نشر الفنان أحمد العوضي فيديو عبر حسابه الشخصي بموقع " إنستجرام"، يطلب فيه من جمهوره التبرع لجمعية الهلال الأحمر لمساندة الشعب الفلسطيني وقال العوضي من خلاله: "مساء الخير على كل أخواتي طبعا كلنا عايشين اللي بيحصل في غزة ووطن عزة، هنا في الهلال الأحمر المصري مع إخواتنا الأبطال المتطوعين في الهلال الأحمر، أنا بس عايز أطلب منكم حاجة إحنا عملنا بوستات ونزلنا صور والحاجات دي كلها لكن الحاجات دي كلها مش كفاية، عايزك تتصرف تصرف فعلي علشان ميبقاش أن إحنا بس بنتفاعل بمجرد كلام إحنا من جوانا موجوعين علشان إخواتنا في غزة". وأضاف: "أنا بطلب منك النهاردة من كل أخ جدع وكل أخت جدعة انزل اتبرع ولو بجنيه إحنا 105 مليون لو حطيت جنية واحد، وأنا اخواتي كرامه أخواتي مش هيتاخره، هما هيسهلولك كل حاجة إنت مش هتقدر تروح هما هيجولك لو إنت ماشي في الشارع وكلمتهم هيجولك ياخدو منك الفلوس". واستكمل: "كل الشباب أخواتي دول متطوعين أبطال بجد ده غير اللي موجودين في سينا الناس دي مش عايزة حاجة غير إن هما جايين يساعدوا لأخواتهم، عايز تتبرع بدم إنزل اتبرع أعمل حاجة فعلية إنت اسمك عملت حاجة فعلية وعبر عن صوتك وعن دعمك على الفيسبوك براحتك لكن أعمل حاجة فعلية أن إنت تنزل تتبرع ولو بجنيه واحد ومتقولش إن الجنيه ده مش هيفرق الجنيه هيفرق والنص جنية هيفرق لأن إحنا كتير وإحنا مصريين جدعان وإحنا في ضهر إخواتنا دايما ف يلا نعمل كده والهلال الأحمر ده حاجة كبيرة جدا جدا جدا لو تعرفوا الناس دي بتعمل إيه مش مجرد أكل وشرب ومساعدات يعني حاجات كبيرة جدا وأنا بشكر كل أخواتي دول بجد جدعان، وأنا كل أخواتي جدعان وأنا بقولك الطريق اللي يخليك تساعد فعليا إنزل اتبرع ولو بجنيه بجنية واحد بس مفيش حد معهوش جنيه". View this post on Instagram A post shared by احمد العوضي_ Ahmed Elawady (@ahmed.elawady) اقرأ أيضا: قبل طرحها.. تفاصيل أغنية أحمد شيبة "شالوم" للمرة الثانية.. عفروتو يعلن إلغاء حفله في كايرو جاز تضامنا مع فلسطين سمسم شهاب يستعد لطرح أغنية تدعم فلسطين.. ويؤكد: أعمل مع الفنانين المحترمين فقط
