رد الموزع الموسيقي مولوتوف على هجوم الملحن عمرو مصطفي على نجم الراب "ويجز" بعد تصريحاته المثيرة للجدل في مداخلته الهاتفية بإذاعة "نجوم إف إم". وهاجم عمرو مصطفي العديد من نجوم الساحة الغنائية مؤخراً ومنهم نجم الراب "ويجز" والذي اتهمهم بشرائهم الموسيقى الخاصة بأغانيهم بمقابل مادي قائلاً :"على فكرة ويجز وكل الشباب اللي طالعة كلهم بيشتروا موسيقي جاهزة ب 100 دولار والموزع دوره مش موجود". ورد "مولوتوف" على تصريحات عمرو مصطفي نظراً لتعاونه مع "ويجز" بالتوزيع الموسيقي الخاص بعدد من أشهر أغانيه وذلك عبر الاستوري الخاص به على "انستجرام" قائلاً "مبدئياً أنا هتكلم عن الأغاني اللي أنا عملتها لويجز وهي دورك جاي، بالسلامة، أسياد البلد، وبما أن أنا الموزع بتاعها أحب أقول للأستاذ عمرو مصطفي إن الأغاني معمول فيها توزيع وهندسة صوت وتلحين وشغل بمستوى عالمي". واستكمل: "وبتاخد وقت ومجهود وتفكير كبير جداً من كل الأطراف المشتركة فيها والموضوع مش بالسهولة والبساطة اللي حضرتك بتتكلم بيها، أما بالنسبة لموضوع الفلوس وشراء المزيكا ف أنا لم أتقاضى أي أجر على الأعمال دي لأن فيه اتفاقات بصورة تانية". وانهى تعليقه قائلاً: "وفي النهاية احنا بنشكرك على اهتمامك بس ياريت تتحرى الدقة قبل نشر أي معلومات وشكراً". ودائماً ما يثير الفنان عمرو مصطفي العديد من الجدل بتصريحاته التي يهاجم خلالها كل من هم ليسوا على وفاق فني مع عمرو منها أزمته الشهيرة مع الهضبة عمرو دياب.
