احتفلت الفنانة شذى، مساء أمس الخميس، بعقد قرانها وسط حضور عائلي لأهالي العروسين. ونشرت مي، صورا من عقد القران، عبر حسابها على إنستجرام، وعلقت: "النهاردة كان يوم من أسعد أيام حياتي.. كتب كتابي أختي وروح قلبي وصديقة عمري شذيتي ربنا يفرح قلبها هي ووليد .. جوازة العمر يا عمري وأشيل ولادك بإذن الله.. بحبك يا أزوزة قوي.. بارك الله لكما وبارك عليكما وجمع بينكما في خير زغرطوا يا بنات". وردت شذى، على رسالتها، قائلة: "ربنا ما يحرمني منك يا أمي وأختي وصاحبتي وروح قلبي.. بحبك وربنا يخلينا لبعض وفي ضهر بعض دائما يا عمري انتي مي كساب". وكانت شذى، كشفت مؤخرا عن غضبها من الفنان تامر حسني بسبب عدم اهتمامه بها بعد وفاة والديها. وقالت شذى، خلال حوارها في برنامج أنا سعيد، الذي يقدمه سعيد جميل: سيرة تامر حسني بتقلبلي مودي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانيات أنا مليش حد هنا وعيلتي برا مصر. وأوضحت:" تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأني مش مدعية ". وأضافت:"الصحاب لازم يكونوا ضهر لبعض، خصوصًا لو أنت كنت كويس معاه قبل كده، وانا مقدمه السبت لتامر حسني ووقفت معاه عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا". وأعلنت المطربة الشابة شذى إصابتها بفيروس كورونا أثناء زيارتها للولايات المتحدةالأمريكية مؤخرا. على جانب آخر، تُشارك مي كساب، في دراما رمضان 2023 بمسلسل "العمدة". مسلسل "العمدة" تدور أحداثه في إطار اجتماعي شعبي، وهو من تأليف وإخراج محمد سامي، وشارك في السيناريو والحوار مهاب طارق، وإنتاج شركة ميديا هب سعدي –جوهر. المسلسل بطولة النجوم، محمد رمضان، زينة، هالة صدقي، إيمان العاصي، مي كساب، أحمد داش، فريدة سيف النصر، طارق الدسوقي، وعدد آخر من الفنانين. View this post on Instagram A post shared by مي كساب (@maikassab)
