حكى الفنان محمد التاجي كواليس تقديمه لمشهد يُصنف بالجريء، ضمن أحداث فيلم "ديل السمكة" للمخرج سمير سيف والكاتب وحيد حامد. وقال التاجي في حواره مع برنامج البخت على قناة الشمس "سمير سيف الله يرحمه ووحيد حامد جابوني في أوتيل كان بيقعد فيه وحيد دايما، حكوا حدوتة الفيلم كان إفيه ضحكني واقتنعت بيه، وكلنا كنا ضيوف شرف في الفيلم، اللي كان عبارة عن كشاف نور بيعدي على بيوت مختلفة، مش عارف يعمل علاقة مع مراته فبيوزع أولاده لكن بيجي كشاف النور اللي بيحس إن فيه حاجة غلط وبيحاول يرخم على صحاب البيت، عجبني الإفيه لكن لم أتعمق في تفاصيل اكتر". وتابع "اتعلمنا إن طالما وافقتي على العمل المخرج سيد الموقف في الاستديو، واحنا بنصور اخر لقطة ليا اتفاجئت، اضطريت أعمل المشهد واتعمل بشكل كنت محرج منه، وقلت لمراتي حسك عينك تاخدي العيال وتروحي الفيلم ده، ستر ربنا إن الرقابة شالت المشهد وسابت منه حاجات بسيطة". محمد التاجي شارك في السباق الرمضاني المنقضي بمسلسل "فاتن أمل حربي" بطولة الفنانة نيللي كريم، الفنان شريف سلامة، والفنانة فادية عبدالغني، والفنانة هالة صدقي.