شهدت الحلقة 16 من مسلسل الاختيار 3، إذاعة تسريب جديد بالصوت والصورة للرئيس المعزول محمد مرسي. وفي "الاختيار 3 الحلقة 16"؛ يتحدث "مرسي" خلال التسريب مع مرشد الإخوان محمد بديع، قائلا: "شوف أيمن نور ده بيتحايل عليّا إن أنا أقول لإخواننا يعفوا عنه وبتاع ومش عارف.. الحكم بتاعه.. يجمعهم في بيته 3 - 4 - 5 مرات، يجيب 50 - 60 - 70 واحد، ويقعد يرتب معاهم ليوم 25، حاجة مش ممكن، بني آدم عجيب الشكل.. مابيتعظش أبدا". يعقب المرشد على حديث مرسي، قائلا: "حصل إيه يوم 25.. مشهد في العالم كله.. بيقولوا أحسن من يوم 25 الأولاني.. مجهزين نفسهم لما شوية عيال يعملوا حاجة صغيرة كده، يروح مكبرها"، ويضيف مرسي: "وعمر عفيفي اتصل من أمريكا، وقال مش عارف.. خطة الهجوم على الميدان.. إيه الكلام ده! هو بيستعبط، والتاني والتالت.. 4 - 5 - 6 - 7 هم معروفين". يتابع "مرسي": "أنا مش فاهم إبراهيم المعلم بيعمل إيه، أنا إبراهيم المعلم ده محيرني بصراحة.. يقعد يتصل بيّا ويقولي أنتوا بابا وأنتوا ماما وأنتوا أنور وجدي، وبعدين تبص تلاقي النهاردة الكاريكاتير في غاية السوء، مُهيّج". مسلسل "الاختيار 3" بطولة: كريم عبدالعزيز، أحمد عز، ياسر جلال، أحمد السقا، صبري فواز، خالد الصاوي، عبدالعزيز مخيون، هيدي كرم، وإيمان العاصي وغيرهم، ومن تأليف هاني سرحان، وإخراج بيتر ميمي.
