رد عمرو زكي، نجم منتخب مصر والزمالك الأسبق، على سؤال من بسمة وهبة بأنهم وصفوه في بيان رسمي بأنه لاعب غير محترف، قائلاً: لو هم حتى وصفوني كده أنا مكنتش موجود علشان تسمعوا، لأني كنت في ألمانيا لسه حارج من العمليات وقاعد.. أول يوم ليّ بعدها أنا لما قالولي كان مكتوب كذا.. طب أنتم مشكلتكم فين، إني رحت من غير إذن؟ بعتلهم إني قبلها بيوم بعت لطارق وأرسلت له رسائل، وطلع رئيس النادي تاني يوم اعتذر لي وقال بنتمنى له كل خير، وبعدها بأسبوعين لما رجعت من ألمانيا اديتلهم حتى الفلوس اللي خدتها.. طب أعمل إيه طيب. وأضاف زكي خلال حواره مع بسمة وهبة ببرنامج العرافة على قناة المحور ردًا على سؤال آخر: "بيقولوا إن عمرو زكي فشل إنه يكون لاعب محترف: اللي بيقول هو ستيف بروس المدرب بتاعي في ويجان لأسباب أولاً: أنا باعترف إن كان عندي جانب مخطئ فيه وهو إن مكانش عندي ثقافة الاحتراف، بس هو كان بيقول كده لأسباب؛ أولاً: ساعة ماتش زامبيا هنا اللي جبت فيه جون كان معايا ميدو.. وهقولك كان بيقول كده ليه زي ما قال إن عمرو أحسن لاعب وإني جبت أحسن لاعب في العالم هاخد بيه الدوري الإنجليزي هم ناس معندهمش عاطفة وكل حاجة بالورقة والقلم". وتابع: "أنا لما جيت اتصابت جالي مزق في الخلفية في آخر المباراة، واللاعب لما بيجيله مزق لازم يقعد 48 ساعة يعمل آشعة.. طب أنا معايا دكتور في المنتخب، والطبيعي إني أرجع بعد المباراة على التمرين بتاعي، لكن الدكتور قالي مش هينفع تسافر لأن ممكن يبقى عندك نزيف في العضلة الخلفية، وبعتوا جواب رسمي من الاتحاد للنادي.. النادي اعترض لأن المفروض لما أتصاب أرجع على النادي وهو اللي يقرر، أنا سافرت ثالث يوم بدلا من ثاني يوم، وعلشان مكانش عندهم مصداقية إني مصاب.. وأنا في المطار خدوني ورحت عملت أشعة وقعدت 3 أسابيع، حتى كانوا عاملين لي غرامة أسبوعين شالوها وخلوها أسبوع واحد".
