عبر الإعلامي عمرو أديب، عن سعادته بتتويج فريق كرة القدم بنادي الزمالك بالدوري الممتاز موسم 2021 للمرة ال13 في تاريخه. وتساءل "أديب"، في برنامج "الحكاية"، المذاع عبر فضائية "ام بي سي مصر"، اليوم الجمعة، قائلًا: "هو لية محدش بيقولنا مبروك على الدوري؟، لية في رفض أن الزمالك ياخد الدوري؟!، وليه محدش عايز يقولنا الف مبروك؟!". وأضاف: "اشمعنا الاهلي كل ما ياخد بطولة نهنئ الاهلي، افريقيا نهنئ الاهلي، يكسب بالقاضية نهنئ الأهلي، إنما الزمالك ياخد الدوري لازم نطلع فيه العبر ونخلق مليون مشكلة عشان محدش بس يقول للزمالك مبروك". واستطرد، قائلًا: "هو في دولة في العالم نادي واحد هو اللي بياخد الدوري الدوري من 2014 ولغاية 2020 هو في حاجة كدا، الاهلاوية ليه مستغربين أن الزمالك يكسب الدوري، هو في دولة في العالم فريق واحد بيقعد ياخد دوري". وأكمل: "احنا اسفين اخدنا الدوري، ومبروك وأقلب الصفحة، لكن لازم يطلع في الدوري كل العبر، احنا عمرنا ما فتحنا بقنا، و الأهلي ياخد الدوري مبروك يا أهلي، وعايزين الحق الزمالك السنة دي احق، وعايز اي اهلاوي نفسه صافية قارن السنة دي لاعيبة الزمالك بالأهلي، بص على دكة بدلاء الفريقين الزمالك عنده 22 لاعبين ألماظ سعرهم كلهم ميجيوش تمن 4 لاعيبة في الأهلي"، متابعًا: "الزمالك كان أحسن وأفضل وأقوى والأهم هذا النادي يلعب وهو في محنة بمجلس إدارة مؤقت ومديون ولاعيبة لها مستحقاتها ومع ذلك أبطال".
