كشفت الفنانة علا غانم، عن سبب زواجها المبكر في عمر ال 17.5 ، قائلة: "كانت موضة الزواج المبكر في الوقت دا"، لتقاطعها الإعلامية لميس الحديدي، قائلة: "بس إنتي مش قديمة أوي كده إنتي صغيرة برضه"، لترد "غانم": قائلة "أنا خلاص هكمل 50 سنة آخر نوفمبر القادم "لترد الحديدي قائلة: "جرأة برضه إنك تقولي السن كده ؟!". وأضافت "علا" في حوارها لبرنامج "كلمة أخيرة " على فضائية "ON E " اليوم السبت: "أنا مبسوطة وسعيدة وعاوزة أنبسط بحياتي والناس تقول شوفوا الست الي عندها 50 سنة شكلها عامل إزاي ؟!، موضحة: أي كان الشكل إيه حلو أو وحش عاوزة استمتع بسني عاوزة أفرح في كل مراحل حياتي وأعمل عيد ميلاد". وتابعت: "معملتش عيد ميلاد قبل كده لكن هعمله السنة دي لأن سن الخمسين مهم جدًا والناس هنا في أمريكا بتحتفل بعيد الميلاد مرتين في سن 16 وسن 50 وده سن مهم بالنسبة لي، عشان البنات بنسبة كبيرة بتكون إتجوزت وده سن يعني الانجازات والعمل وبعدها تبقى فترة تقييم هل اللي عملته صح ؟ أو كنت راضية عن حياتي؟ هل لعبتها صح ولا كنت غبية ". وكشفت "علا" قائلة: "في بعض الأحيان كنت بحس أني اتأخرت في الوجود مع بناتي، ساعات كنت بحس إني غلط وأني تأخرت في قرار الابتعاد كنت عاوزة أقعد مع البنات قبل زواجهن كانوا بيكبروا قدامي وبيتخرجوا ويتجوزوا".