لم يعلم الفنان تامر حسني أن جملته التي حاول بها إنهاء خلافه مع زوجته المغربية بسمة بوسيل ستتصدر "تريند" مواقع التواصل الاجتماعي فور نشرها، وعلى الرغم من كونها لم تتخط جملة قيلت ضمن كلمات كثيرة أخرى وجهها لزوجته إلا إنها حصلت على نصيب الأسد من التفاعل والسخرية ليس فقط من قبل مستخدمي مواقع التواصل الاجتماعي ولكن من قبل بعض الفنانين أيضًا. ويستعرض "مصراوي"، كيف علق الفنانين على جملة "بحبك يا متهورة" لتامر حسني: فتحي عبد الوهاب الفنان فتحي عبد الوهاب شارك في السخرية من رسالة تامر حسني لزوجته، ونشر عبر صفحته على "فيسبوك"، صورة له مع النجم ياسر جلال، يحمله الأخير فيها، وعلّق: "متهور بس بحبك". شيماء سيف الفنانة شيماء سيف تفاعلت أيضًا مع جملة تامر حسني من خلال حسابها ب"إنستجرام"، وعلقت ساخرة ب"كوميك"، للفنانة فيفي عبده، علقت عليه: "قومي يا بت سيبيله البيت واطلبي منه الطلاق عشان يقولك متهورة بس بحبك". View this post on Instagram A post shared by Shimaa Seif (@shimaaseif) مصطفى درويش انضم الفنان مصطفى درويش لحملة السخرية التي طالت تامر حسني وعلق أيضًا على الجملة المتداولة من خلال نشر صورة له تجمعه بالفنانة ريهام عبدالغفور من كواليس مسلسلهما "ربع قيراط"، وعلق عليها: "متهورة بس بحبك". View this post on Instagram A post shared by Mostafa darwish مصطفي درويش (@mostafa.darwish.official) وقال تامر في رسالته لبسمة أمس الاثنين: "بسمة حبيبتي للأسف إنتي مفكرتيش كويس وسلمتي ودانك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور، ودي طبيعة شغلي اللي عرفتيني بيها، إزاي وصلوكي للزعل وللبعد فترة". وأضاف تامر :"المهم أنا مش هزعل منك، ولا يرضيني زعلك، إنتي حبيبتي، وأم ولادي أنا سندك وظهرك مهما حصل، بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون، أو في زيارة رحيمة بينهم، ويا ريتها مشكلة أصلا، وربنا جعل ما بينا مودة ورحمة، عشان كده للأسف أنتي عارفة إن في ناس في طبيعتهم حب خراب البيوت، ومش هنخلص منهم بس إنتي اللي هتخلصي، من فكرة إنك تسمعيهم، مع إنك مكنتيش كده". وتابع: "يا ريت تركزي مع طاقة الناس اللي دعولنا ودعوا لأولادنا بكل خير، وفعلا أنا بشكر كل الناس والفنانين اللي سعوا في الخير لينا، وأنا واثق إنك زعلانة دلوقتي إنك كتبتي كده، هو تصرف متهور منك بس ولا يهمك مش عيب الإنسان يغلط ويتعلم، وأنا ياما علمتك ولسه هعلمك، كان نفسي الكلام دا يكون بينا لكن إنتي أشركتي الجمهور الكريم فكان لازم أرد هنا، بينا حب غالي وحياة كريمة وأولادنا وبينا أغلى ما فيها ربنا يخلينا لينا ويخليهم لينا، يارب، متهورة بس بحبك". فيما ردت بسمة بوسيل على رسالة تامر حسني بالاعتذار قائلة عبر "ستوري إنستجرام": "فعلا اتهورت.. بس عشان بحبك.. آسفة". وكانت قد فاجأت الفنانة المغربية بسمة بوسيل، الجميع بإعلان انفصالها عن النجم تامر حسني، وذلك عبر "ستوري إنستجرام"، وذلك قبل أن تحذف منشورها قبل 4 أيام. وكتبت بسمة بوسيل، يوم الجمعة الماضي: "لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات، يا ريت تبطلوا تبعتولي أي حاجة عشان مش فارقلي أي صور". وأضافت: "أحب أعرفكم إن إحنا بقالنا فترة منفصلين وبنحضر أوراق الطلاق، يا ريت تحترموا مشاعر كل واحد فينا وبطلوا على الأقل تبعتولي أي حاجة... بالتوفيق". وتزوج الفنان تامر حسني من الفنانة بسمة بوسيل، في 2012، وأنجب منها ابنتين، هما "تاليا وأمايا"، وولدا اسمه "آدم".
