أذاع الإعلامي عمرو أديب، في حلقة اليوم الاثنين، ببرنامج "كل يوم" على فضائية ON E، مقطع فيديو يوثق اعترافات المتهم بقتل طالب أمام خطيبته بكافيه شهير بمنطقة القاهرة الجديدة، أمس الأحد، عقب انتهاء مباراة منتخبي مصر والكاميرون في نهائي كأس الأمم الإفريقية؛ بسبب الخلاف على قيمة المشروبات. وبدأ المتهم بتعريف نفسه أمام محقق الشرطة -بعد القبض عليه-، "اسمي عمرو مصطفى أحمد حسين، السن 30 سنة، حاصل على ثانوية عامة، بشتغل في كافية "كييف" كابتن أوردر، ذهبت للشغل عادي وكان فيه ماتش مصر ومش فاكر مين، وكنت شغال في الدور الأول، وبلغوني أن فيه مشكلة في الدور الثاني في الكافية فطلعت علشان أشوف المشكلة لقيت زباين بيتخانقوا علشان الحساب". وأضاف المتهم: "الخناقة اتطورت بين الزباين وعمال الكافية ونزلوا الدور الأرضي وحاولت أحجز بين الطرفين، وأخدت واحد من الشباب وأخدته برة الكافية راح ضربني بالبونية علشان أفتكرني بتخانق معاه، فراح اتنين من اصحابه مسكوا فيا شديت الحزام وبدأت اضرب فيهم". وتابع: "واحد ضربني بالشنطة في وشي، والتاني ضربني بالقدم في بطني، فأنا كان معايا الفتاحة دي طلعتها وضربت واحد بيها، ودخلت على المطعم جوه تاني". فسأله المحقق "مشيت إزاي؟"، فرد المتهم: "مشيت عادي من المطعم"، وسأله المحقق مرة أخرى "اتقبض عيك ازاي"، فرد مرة أخرى "كنت رحت بيتنا امبارح والنهاردة أخدت أمي طلعت عند أخويا في السلام والشرطة قبضت علي من البيت". وكشف مصدر أمني مسؤول بمديرية أمن القاهرة، أن المجني عليه كان رفقة 9 من أصدقائه بينهم خطيبته، وثلاثة فتيات، ووقعت مع العاملين بالمحل مشاجرة؛ بسبب شيك الحساب. وقال اللواء محمد منصور، مدير مباحث القاهرة، إن قوات الشرطة ألقت القبض على المتهم الرئيسي بقتل الشاب المشار إليه. وأضاف "منصور" - في تصريحات لمصراوي اليوم الإثنين - أن المتهم "عمرو. م"، كان يختبئ في مدينة السلام عقب ارتكاب الجريمة، لافتا بأن مأمورية توجهت لهذا المكان، وتمكنت من ضبطه. وأوضح مدير مباحث القاهرة، أنه تم إلقاء القبض على أسامة النجار، مالك الكافيه، بالتزامن مع إغلاقه، وتعيين الحراسة اللازمة. وأمرت نيابة مصر الجديدة، برئاسة المستشار أحمد يوسف، بحجز مدير كافيه "كييف" بمصر الجديدة، 24 ساعة لحين ورود تحريات المباحث. وأوضح المصدر، أن مدير الكافيه، قام بتحريض العمال لتلقين الطالب، وأصدقائه علقة ساخنة عقب تبادل الطرفين الشتائم، مما أدى إلى قيام أحد العمال بطعن الطالب في صدره، ومقتله فور وصوله مستشفى كليوباترا، وإخفاق الأطباء في إنقاذه.
