في كلمة تجاوزت التسعين دقيقة للرئيس عبد الفتاح السيسي، وجه الرئيس عدة رسائل إلى جهات مختلفة، ما بين الغضب والأمل دارت كلمة الرئيس، ووجه منها عدت رسائل حول قضايا على السطح، وقضايا أخرى لمشروعات توقفت، خلال ندوة رؤية التنمية الاستراتيجية بمصر 2030، بحضور ممثلين عن شباب مصر وشخصيات عامة ومتخصصين في مختلف المجالات. "الناس لازم تبقى مطمنة" رسالة عن الاستقرار ومساعدة الحكومة للشباب وجهها السيسي خلال كلمته، حيث قال الرئيس إن هناك 50 شركة في مصر قروضها 250 مليار جنيه، وموجها حديثه لطارق عامر محافظ البنك المركزي "الشباب دول عايزين نعمل لهم مشروعات، الناس لازم تبقى مطمنة وحاسة ان احنا بنطلع لأدام بجد، ومحققين حلم حقيقي رغم كل اللي بيتقال، الحكومة عايزة تقوم بدور بأماكن شبابية متظبطة، لكن لو احنا معملناش أماكن للشباب في المناطق الصناعية يحقق الانضباط يحقق الاشتراطات أخشى أن إحنا تبقى خريطة الصناعات الصغيرة تنتشر بالشكل اللي مش بنتمناه". عن مشروع دمياط: "مش هعمل على قديمه" رسالة غضب من الرئيس لتأخر مشروع ورش دمياط وعدم تخصيص أماكن للشباب بالمناطق الصناعية، مضيفا أنه يؤثر سلبا على خطط تنمية المشروعات الصغيرة، وانفعل السيسي خلال حديثه قائلًا: "لو كنا عملنا مشروع دمياط من سنة فاتت، كنا زمنا بنسلم المشروع، لو كنتوا عملتوا ده من سنة ونص كان زمنا بنسلم ألف ورشة لشباب دمياط، وعشان التدريب مظبوط، مش هعمل على قديمه، هعمل جديد بقى". ابني بيتك .."بشكل عشوائي" رسالة لاذعة أخرى وجهها الرئيس للحكومة عن شقق الشباب في مشروع ابني بيتك قائلا "خدوا الاشباب يشوفوا ابني بيتك.. 3.7 مليون شقة معمولين بشكل عشوائي، يعني الصرف الصحي والكهرباء والميه معمولين بشكل عشوائي"، وعن التأخر في المشروعات يقول "اسألوا عليا في الجيش أنا باشتغل مرة واحدة مش على مراحل"، كما انفعل الرئيس أيضا عن مشروعات الشقق، حيث قال قبل بدء كلمته خلال جلوسه بين أعضاء الحكومة "انا اقدر أعمل مليون شقة في سنة واتنين، انتوا فاكرين اننا ضعاف ولا إيه؟ ايه ده، الناس فاكرة مصر دي مصر؟ تقدر تعمل كل حاجة، مصر دي دولة كبيرة". "هفضل ابني فيها.. مش هسيبها" رسالة أخرى تتضمن الاستقرار ، وجهها السيسي بلغة عامية وبهجة عنيفة "انتوا فاكرين اني هسيبها؟ لا والله، أنا هفضل ابني واعمل فيها يا حياتي يا مدتي". "لازم نتحمل" السيسي وجه رسالة أيضا عن الصبر، قائلا "لو مش كلنا هنبقى جنب بعض هتبقى المهمة صعبة علينا كلنا، ما تدوروش على المكسب القريب، ولازم نتحمل لاجل خاطر ولادنا وأحفادنا، عشان يبقى فيه أمل حقيقي، أنا هتكلم كتير النهاردة عشان اقولكم ايه حكايتنا، انا بكلم دايما البسطاء محدودي الدخل، اللي خايفين على بلدهم تضيع منهم، احنا في تحدي كبير، طول ما المصريين كتلة واحدة، هنقدر نعمل اللي احنيا عايزينه". "اسمعوا كلامي أنا بس" أكثر من مرة، قال الرئيس السيسي جملة "اسمعوا كلامي أنا بس"، في المرة الأولى قبل وصوله إلى المنصة، في سياق حديثه عن قدرة الدولة على الانتهاء من مشروع العاصمة الادارية، وتقديم أفضل حي مال وأعمال في العاصمة الادارية الجديدة، قائلا "بتحبوا مصر صحيح؟ اسمعوا كلامي أنا بس"، وفي المرة الثانية أعلى المنصة بأكاديمية الشرطة للحكومة والبرلمان "انتوا بتدخلوا في دومات ليه" لم يرض الرئيس المشهد بين البرلمان والحكومة، خاصة في انتشار شائعات عن تشكيل الحكومة من قبل البرلمان، قائلا خلال كلمته "الحكومة لو هتقر في البرلمان، وقلت تعالى يا برلمان شكل الحكومة، كام شهر؟ انتوا هتدخلونا في دومات ليه؟ البلد دي بتعيش يومها بيوم، القانون والدستور له مسار واطار". للخارج.. "بيعيورنا بفقرنا" أزمات اقتصادية تمر بمصر، تسعى فيها للتواصل اقتصاديا مع عدة دول أبرزها دول الخليج العربي، عن تلك الأزمات، وجه السيسي كلمته "بيعيرونا بفقرنا، أنا مش هسكت، لا والله، ولما حد يوجعنا يا مصريين ما تردوش عليه، اشتغلوا.. ابنوا .. عمروا". للإعلام.. "السجادة الحمرا" داعب الرئيس السيسي ما ورد من انتقادات خلال مؤتمر لال افتتاحه لعدد من المشروعات في مدينة 6أكتوبر في 7 فبراير الجاري، والتي انتقدت من نشطاء عبر مواقع التواصل الاجتماعي، وأيضا من عدد من اعلاميين عقب الحديث عن تكلفتها، قائلا "مشروع الاسكان اللي انتوا شفتوه اللي كان فيه السجادة الحمرا"، في اشارة لجهود الدولة. المظاليم والتجاوزات يقول السيسي " فيه تجاوزات؟ أيوة، أنا راضي عن كدة؟ لا، احنا في معدلة صعبة جدا، بمعادلة ازاى انا احكمها ما تقعش مني، وفي نفس الوقت ما يحصلش تجاوزات، فيه ناس مظاليم، لكن احنتا طلعنا خلال أربع مرات.. وتاني وتالت، والبرلمان موجود، لف وشوف وانا تحت أمركم". لرجال الأعمال "لو ينفع اتباع لاتباع" في رسالة الى رجال الأعمال، وجه السيسي كلمة عن تبرع الجيش المصري لمليار جنيه، قائلا أن "احنا اللي هنعمل العدالة الاجتماعية مش أنا لوحدي، أنا لو ينفع اتباع لاتباع". عن روسيا والشاب الايطالي "عايزين يضربوا العلاقات" تحدث الرئيس أيضا عن حادث الطائرة الروسية، ورغم أن الحادث وقع في نوفمبر الماضي، قال الرئيس أن من أسقط الطائرة لم يكن يهدف سقوطها فقط، او حتى يضرب السياحة فقط، لكن أيضا لضرب العلاقات، موجها حديثا مبطنا عن مقتل الشاب الايطالي جوليو ريجيني، الذي لقى مصرعه في القاهرة، بعد اختفاءه في 25 يناير الماضي، بقوله "يضرب العلاقات مع إيطاليا، لو يقدر يضرب العلاقات مع الدنيا كلها هيضربها، عشان نبقى معزولين لوحدينا". لنظام مبارك "دول شوية طرق" في الوقت الذي ظل دفاع عدد من مؤيدي نظام مبارك أنه أسس للبنية التحتية، وجه الرئيس السيسي رسالة حول تلك البنية، قائلا "انتوا فاكرين إن دي بنية أساسية؟ دول شوية طرق؟ مصر فيها حوالي 70 ألف كيلومتر، طب والباقي؟" لأمناء الشرطة "مش كل الداخلية وحشة" لم يمر حديث الرئيس السيسي دون التعليق على ما انتشر من أخبار لاعتداء أمناء الشرطة على مواطنيين، قائلا في رسالة له- عقب أيضا اجتماع منذ أيام مع وزير الداخلية- "لو الداخلية غلطت مينفعش نقول كل الداخلية وحشة" عن الإرهاب "هما اللي بدأوا" و"أنتوا مين؟" كما لم يمر حديث السيسي دون توجيه كلمة عن قضية الإرهاب، قائلا "المجابهة معاهم بعد 30 يونيو، لكن قبل كدة مكنش فيه مجابهة" مشددا "هما اللي بدأوا ..هما اللي بدأوا، مش احنا، كان ممكن نعيش مع بعض كل واحد بفكره، لكن محصلش"، مضيفا في أول الحديث خطابا أخر "محدش يفكر ان طولة بالي وخلقي الحسن معناه ان البلد دي تقع، فيما بالله.. اللي هيقرب للبلد هشيله من فوق وش الأرض..أنتوا فاكرين الحكاية ايه؟ انتوا مين؟، مش عارفين تخلي بالكوا من البلد.. اسكتوا".
