بعد دقائق من وقوع هزة أرضية في مصر شعر بها سكان محافظتي القاهرة والجيزة، تصدر هاشتاج "زلزال" المركز الأول على موقع التدوين العالمي "تويتر".وحوّل النشطاء خبر الزلزال لمادة ساخرة، خصوصًا مع زيادة الكوارث التي تشهدها مصر، سواء من الحرائق الكبيرة التي وقعت الأسبوع الماضي، أو الموجة الحارة التي تضرب محافظات الجمهورية منذ مطلع الأسبوع الجاري.وقالت "ندى بكري": "منتظرين قريب نيزك أو مكوك فضائى يتوه و ينزل عندنا، استرها يارب و ميكنش بكره فجر هاشتاج بركان مثلا، معرفش هيجى منين بس احنا مختلفين". في حين قالت "نسمة": "أول مرة اخد بالي من زلزال انتا متخيل يا مارد"، وعلقت "هدى امين":"زلزال ع الصبح كده.. اول مره اتزلزل ف حياتي.. ودرجه الحرارة هتوصل ل49°.. مش لاقيه تعبير عن اللي بنعيشه".وقال "محمد عيسى": "احنا لسه شوفنا حاجة.. حر وحرايق وزلازل والمرحلة الجاية داخلين ع البراكين .. ماتقلقوش انتوا بس"، وقال آخر "حرايق وموجة حارة وكمان زلزال.. ناقص تنين مجنح ينزل على مصر".