فى مدونتها الشخصية على ناس MBC كتبت الفنانة الطفلة "منة عرفة" : "بقالي كتير جداً مبقدرش أدخل على مدونتي وحشتوني أوي بس لازم تعذروني لأني كنت بصور فيلم " الفيل في المنديل" مع أونكل طلعت زكريا وريم البارودي. وفي مفاجأة جامدة جدا هتعجبكم في الفيلم دا بالذات ،لأني لأول مرة بغني فيه راب وإن شاء الله تعجبكم الأغنية. الفترة دي أنا مشغولة جدا لأن الإمتحانات على الأبواب، فاضل أسابيع وتبدأ إمتحانات نص السنة فمعظم وقتي بين المدرسة والدروس والمذاكرة وعمل الواجب بتاعي إدعولي إني أنجح بقى. نفسي أكبر وميبقاش في حاجة إسمها مذاكرة ،خصوصاً مادة الساينس لأنها صعبة جدا وبحس إن واجبتها كتيرة أوي وبيني وبينكم يعني مش بحب أذاكرها بس الحمد لله بجيب فيها درجات كويسة. أشوفكم بعد إمتحاناتي وأدعو لي أن كلها تيجي سهلة وأجيب أعلى الدرجات. "