سألنا شريف مدكور إنت بتتدلع على الهوا؟! قال: أنا صوتي وحركاتي كده! "إنتي طابخة إيه النهارده؟".. "كلتوا سلطة؟". "بتلعبي رياضة"، جمل أصبحت تربط "شريف مدكور" بمشاهدي برنامجه "من كل بلد أكلة"، البرنامج الذي كوّن شعبية كبيرة وحضوراً متميزاً، "شريف" قرر مؤخراً خوض أولى تجاربه المسرحية، يا ترى "شريف" بيعرف يمثل؟!، وإيه تفاصيل مسرحيته الجديدة ..؟! خلاص .. خلاص .. هنقول لك إجابة كل الأسئلة أهو .. ما فيش داعي تبلغ عننا في القسم : برنامج "من كل بلد أكلة" هو الأهم في مشوارك ؟ "بالتأكيد، لأنه أكتر برنامج قربني من الناس، و شهرني،رغم إني كنت بقدم برامج تانية زي "رجيم"، و"منازل و حدائق"،وكلها كانت على مستوى عالي،لكن ما صادفتش نفس النجاح اللي حققه "من كل بلد أكلة". ماذا أضاف لك التعامل المباشر مع الجمهور في البرنامج ؟ "أصبحت أكثر جرأة و ازدادت ثقتي بنفسي، و اتعلمت التعامل مع ثقافات وأعمار مختلفة" يتهمك البعض إنك "بتتدلع" على الهوا ؟ " لا خالص، دي طريقتي وأسلوبي،أنا صوتي وحركاتي كده،وبحب أكون"style"،وألبس على الموضة، لكن أنا ما بفتعلش زي ما انتقدونى" . إنت شايف إنه من الأفضل انك تعمل أكتر من برنامج ولا تركز في برنامج واحد ؟ " أنا نفسي أقدم برنامج واحد، و يكون أسبوعي، لإن الظهور في أكتر من برنامج حرقني،و أصاب المشاهد بالملل، لكن الاختيار ما بين "من كل بلد أكلة" و "Fashion Cafe" صعب جداً، و الحقيقة إني أفضل إن برنامج "من كل بلد أكلة" يقف وهو في قمة نجاحه، وأعتقد أن شهر رمضان المقبل سوف يكون الأخير للبرنامج" هل ترى أن القنوات المتخصصة حققت النجاح المتوقع منها خاصة بعد بثها أرضياً ؟ "قنوات النيل المتخصصة ابتدت بداية قوية وناجحة، لكن في الوقت الحالي ما بقتش على المستوى، ما فيش فلوس، ورؤساء القطاعات بيتغيروا كل فترة، والمخالفات المالية بتحصل عيني عينك،وأبسط مثال إني بقى لي أكثر من 3 شهورما خدتش مرتبي،وفيه ناس تانية ما خدتش رواتبها من أكتر من 4 شهور، وإزاي حد هيشتغل بحب وإخلاص من غير ما ياخد حقه؟!" وبالنسبة لقناة النيل للأسرة و الطفل ؟ " نحن نعاني معاناة غير طبيعية داخل القناة، فالفنيون غير مؤهلين، والمعدات والكاميرات مستهلكة، وكل فترة يقوموا بتغييررئيس القناة،ووسط كل الجوالمشحون ده،من الصعب على أى شخص إنه يبدع،أو يطلع حاجة كويسة،إضافة إلى وجود مشكلة كبيرة تسمى "القطاع الاقتصادي" واللي بيتحكم في كل شيء وبيتسبب في تطفيش المعلنين!" . هل تقوم فعلاً بالإنفاق على برامجك ؟ " بتبقى فيه حاجات كثير ناقصة لإعداد الطعام، أشتريها من جيبي، وديكور برنامج Fashion House" " تحملت تكلفته، لإن إمكانيات التليفزيون المصري ضعيفة، لكن الناس من حقها تشوف صورة حلوة" "لا تحصل على راتبك، و تقوم بالصرف على برامجك، ما سر هذا التمسك بالتليفزيون المصري على الرغم من العروض اللي تلقيتها من الفضائيات زي OTV""؟ "لإن التليفزيون المصري هو صاحب الفضل في وصول "شريف مدكور" إلى ما هو عليه الآن،أما بخصوص "OTV" فقد تلقيت عرضاً لتقديم برنامج "صباحك سكرزيادة"، لكني اعتذرت، وبالتأكيد عملي في "صباح الخير يا مصر" شرف كبير لي". و إلى متى سوف يستمر عملك بالتليفزيون المصري ؟ "علاقتي بالتليفزيون المصري سوف تستمر، لأنه كما قلت من قبل، هو صاحب الفضل الأول و الأخير على ظهوري إعلامياً، و بعيداً عن "ماسبيرو" أنا أحضر حاليا لأكثر من مشروع سواء على المستوى الفني أو الإعلامي". وما تلك المشاريع ؟ "انتظروني في مفاجأة أواخر الشهر القادم، ومسرحية "زى الفل" حيث ألعب فيها دور البطولة، مع الفنان "وحيد سيف" و "نيرمين الفقي"، من تأليف "حمدي نوار" ومن إخراج "عادل عبده". إنت مش خايف من المجال الفني باعتبارها التجربة الأولى ليك ؟ "لا، إطلاقا، وعلى فكرة أنا درست تمثيل في معهد خاص، مع الفنان "محمود حميدة" و "أحمد كمال"، وأعتقد إنها هتكون تجربة مثيرة و جديدة، و بالنسبة للتليفزيون فأنا أحضر حاليا لبرنامج جديد" . نشر في كلمتنا مايو 2008