لازم نعدي المستحيل ولا شئ في الكون يقدر يعاندنا طول مافيه أمل وحماس لا عمر اليأس يغلبنا بالإرادة والعزيمة والطموح وبالأمل لا انكسار ولا هزيمة ومش كلام لأ.. بالعمل الصعب مسيره في يوم يهون وبالإرادة كله يكون والحلم حقيقة بالمشيئة والطريقة كلمة نكون ده إيه في الدنيا ديا ممكن نسميه المحال ده كل شئ في الدنيا ممكن طول مافيه لسه الآمال الضلمة راح تتغير وحتبقى بكرة نور وخيالك لو صغير كسر له أي سور سافر بحلمك بعيد عدى البحور واطوي السنين وخلي قلبك ده عنيد واوعى تبات ليلك حزين ده ليل الشوق لحلمك مهما طال راح يطلع نهار أكيد ده حلمك ولو طال المطال راح يسبق المواعيد واوعى تضعف يوم وترجع لو كنت في نص الطريق أصل الدنيا كتير بتخدع الدنيا ماهيش ملاك برئ بس كمل المشوار حتى لو طال الانتظار ومهما يطول علينا ليل بكرة راح يطلع نهار فجر بكرة أكيد سعيد وفيه أمل وحياة وفي كل يوم جديد حلمك عيش معاه ده حلمك ده حيعلي لفوق عند السما وهيعلى أعلى وأعلى لو في حضن الشوق نما ومفيش في الكون ده حاجة ممكن تبعد عليك لكن الأحلام مش محتاجة إنك بس تغمض عينيك ده الحلم عشان نحققه لازم نتعب شوية ولازم نمشي في طريق والفرصة مسيرها جاية وغروب الشمس مش معناه أبداً نهاية الكون دي بتستمر الحياة وبعد الليل نهار بيكون وخلي حلمك قصاد عينيك واوعي يغيب يوم عن خيالك ولو كان النهاردة عليك صدقني بكرة حيبقالك. كلمتنا - يناير 2001
