بعد أحداث مجزرة بورسعيد، ترددت عبارات ومصطلحات كروية خاصة ب"الألتراس" عبر شاشات التليفزيون، لم يستطع المشاهدين العاديين فهمها، وهو ما دعا صفحة "ألتراس ميادين التحرير" عبر الفيس بوك إلى نشر معاني هذه المصطلحات لأول مرة للجميع. الصفحة تضم ما يقرب من 20 ألف عضو من شباب الألتراس تجمعوا في جروب واحد لحماية الثورة والثوار، مثل التراس النادي الأهلي و"الوايت نايتس" الزملكاوي، وغيرهم من الأنديه الجماهيريه في مختلف أنحاء مصر. ويعرّف أصحاب الصفحة أنفسهم بإنهم ضد النظام السابق، وكل من يسب الثورة والشهداء، وكل من يحاول أن يتسلق علي الثورة ويتاجروا بالدين من أجل السلطة، "إحنا صفحة غير ديمقراطية ولا تقبل غير الثورة ونرفض أي رأي آخر"، متخذين جملة "درع وسيف وثورة"، و"التراس واحد يجمعنا.. ثورة واحدة نحميها" شعاراً لهم. افهم الألتراس أما عن أهم مصطلحات الألتراس فهي كما تشير الصفحة: روح الالتراس (SPIRITE)، وهو روح الالتراس عند الفرد ومدى تعلقة وحبه لها عقلية التراس (ULTRAS MENTALITY)، وهو مدى فهم الفرد والوعى الكامل لالتراس وعندها يطلق عليه منتالتى الباش أو البانر أو الباتش (BACHE)، هو اليافطة اللى بيكون فيها اسم المجموعة واللوجو وغالبا الاسم ولون الباش، واللوجو بيميل لألوان الفريق كورفا (CURVA)، والكورفا هى المكان اللى بتقعد فيه المجموعة وأي ملعب في العالم بتكون فيه كورفتين:(CURVA SUD) ومعناها التالته يمين، و (CURVA NORD)، ومعناها تالته شمال، والمجموعة تتعلق بالكورفا الخاصة بها لدرجة تصل إلى العشق، لأنه يكون فيها عملوا دخلات كتير فبيكون من الصعب إنهم يقعدوا في كورفا تانيه. كلمة فيراج (VIRAGE)، أسفل المدرجات اللى عند الحديد واللى فيها بيستخدم رفع السنانير (LINES) وهى أعلام كبيرة بتستخدم لتجميل منظر المدرجات. بايرو شو (PYRO SHOW)، هي الدقيقة التي يتفق فيها أفراد المجموعة على إشعال الشماريخ والألعاب النارية. الدخلة (INTRO) ، هي أحد أنواع الإبداع، "واللى بيبين فيها قوة منتالتى المجموعة واللى بيكون مع موقف الفريق أو دخلة لمجموعة معادية ومش أي حد بيعرف نوع الانترو ده غير الأكتف ميمبر (الأعضاء تانشطين) والناس اللى بترسم وهى بتبقى عاملة زي الأسرار العسكرية ممنوع أي حد يعرفها لأنها لو اتعرفت ممكن المجموعة المعادية تعمل مسدج أو انترو مضاد ودى تبقى كارثة". التيفو (TIFO)، هو علم كبير بحجم المدرج أو أصغر واللى فيه بيكون رسمة الانترو. الجلاد أو الكوريو أو الكوريجرافى، هو عبارة عن جلاد عادى ولكن بيتقطع بطريقة معينة على حسب نوع الدخله وممكن يكون بألوان كتير. الشرايط (STRIPE)، ودى بتستخدم في الانترو، لو مثلا تيفو TIFO في النص ويكون على الجنبين الشرايط بألوانها المختلفة لتجميل منظر المدرجات. المنتجات، وهي ما تميز المجموعة وبيكون تي شيرت صيفى وسويت شيرت شتوى وكوفيه، وهناك مجموعات تزيد بعمل كابات وشورتات.. إلخ. الطمبور، هو أداة تشجيع لتحميس أفراد المجموعه في التشجيع الكابو (CAPO): هو الأب الروحى للمجموعة وقائد المدرج واللى بيتميز بكاريزما ومنتالتى عالين وبيقود المجموعة في التشجيع وبيتميز بقوة الشخصية. الجرافيتي (GRAFFITI)، وهي لوحات فنية رائعة في الشوارع وبتكون بلوجو او اسم المجموعة ورسومات رائعة للمجموعة.. الترحال (DEPLACEMENT)، وهو يوم غير عادى للمجموعة واللى فيها بيسافر شباب الاولتراس مع فريقهم وتكون متعة وبيبنا فيها قوة حب المجموعة للفريق. الكورطيج، هو تحدى من جانب أفراد المجموعة للمجموعة المعادية التى تناصر الفريق الآخر وهي الذهاب إلى هذه البلاد وفرد البانر المخصص للمجموعة فى الشوارع والاحتفال في الشوارع ودى بتكون نوع من التحدي. أغاني الألتراس، لكل مجموعة أغانى تميزها واللى بتكون بألحان رائعة عشان تحمس اللاعيبه.