دعت صفحة "خالد سعيد" المشاركين فى المظاهرات يوم 25 يناير الحالى إلى الالتزام بسلمية الثورة والتصدى لأى محاولات لتخريب المنشآت. ووضعت الصفحة ميثاق شرف ليوم 25 يناير يتمثل فى التمسك بسلمية الثورة وعدم الانسياق خلف محاولات الاستفزاز ودفع المتظاهرين للدخول فى معركة، موكدة أن الثوارعلى أتم استعداد للتضحية لإنهاء حكم العسكر الهدف الرئيسى للمظاهرات. وتقول "ميثاق شرف ليوم 25 يناير: إحنا نازلين 25 يناير .. مؤمنين بسلمية ثورتنا وإنها سبب لتحقيق لكل المكاسب لحد دلوقتى .. وضد أى محاولة لتخريب لأى منشأت عامة وخاصة وهندافع عن ده فى أماكن تظاهرنا .. معتقدين أن دم أى مصرى حرام سواء كان مدنيا أو جيش أو شرطة.. هنرفض أى محاولات لاستفزازنا وإدخالنا فى معركة تلهينا كشعب عن تسليم السلطة للشعب بعد أكثر من 60 سنة لأول مرة فى تاريخ مصر ..حماسنا موجه لتحقيق مطالبنا ..ومستعدون نضحى بالغالى والنفيس عشان تحقق حلم 25 يناير اللى لم يتغير لحد النهارده إنهاء حكم العسكر لمصر".