أمرك لا وحى من السما نازل ولا سُنة واجبة علينا نتبعها طب ليه بقى نسكت ونتنازل وازاى نسيبك وانت بتبيعها الأمر أمر الله على المخاليق وهو وحده اللى يُجاب ويُطاع واللى لجأ له بقلبه وقت الضيق مايخافش من حاكم ولا أتباع ضى الحقيقة من الحيطان نافد لاح تسجنه أسوار ولا قضبان تفتح بيبانه أو تكون رافض النور مايستأذنش لجل يبان جى الأمل يحضن وشوش الناس بكره النهار يرسى على شطوطه من إمتى خاف الحلم م الحراس وعمل حساب لسجنه أو موته وصلت خطاوى طريقنا للمفترق ومافيش مكان تانى لكدب وفتن يانعيش ف ذل وحلمنا يتسرق يانموت ونتنسم كرامة وطن