مفيش شاب دلوقتي مش بيدور على فرصة عمل مناسبة ليه، ولو لقى الفرصة دي بيبقى محتاج يكون مؤهل ليها عشان ما تروحش منه، ولأن "كلمتنا من الشباب وللشباب" ويهمنا انكم تلاقوا الفرص المناسبة في شغلكم،هنقدم لكم بالتعاون مع خبيرة الموارد البشرية "رشا خليفة"، وصاحبة جروب "نصايح رشا" على الفيس بوك.. كل النصايح اللي انتم محتاجينها، وكمان "رشا" هترد على كل استفساراتكم وهتقول لكم على كل اللي انتم محتاجينه عشان تلاقوا فرص العمل المناسبة، ابعت انت بس واسأل عن اللي انت عايزه على.. [email protected] ازيك .........انا بحبك قوي و بحب طريقه كتابتك جدااااااا..........انا عندي مشكله كبيره قوي مع الشغل.....هي اني من المحله الكبرى........ومش عارفه الاقي شغل في تخصصي او غير تخصصي......لان في المحله مافيش شغل تقريبا غير في طنطا او المنصوره......يعني ده اقرب مكان ليا ممكن اشتغل فيه ومش هي دي المشكله لان معايا عريبه المشكله اني بلاقي صعوبه اني الاقي اعلانات وظايفهم و كل المواقع بتهتم باعلانات القاهره بس انا خريجه اعلام القاهره قسم علاقات عامه و اعلان.......الانجلش بتاعي كويس جدا... وواخده كورسات ماركتنج ...يعني لو تعرفي تساعديني اني اوصل لشغل قريب ليا يبقى بجد هاتفرحيني و تساعديني جدا.......لاني مكتئبه و نفسي اشتغل جدا حاجه مش ف القاهره لان اهلي مش بيحبوا اني اسافر كتير.....هابعتلك ال c.v ميرسي بجد على كل مجهوداتك و ربنا يجازيكي خير الحقيقه انت عندك حق ... لكن في حل ان شاء الله ... الحل ... الدولة في كل محافظة عاملة مناطق صناعية ..المناطق الصناعية دي تقريبا في كل المحافظات فهتعملي ايه ... هتعملي بحث عن المنطقة الصناعية القريبة من محافظتك افتكر اقرب منطقة صناعية منك ( منطقة مبارك الصناعية ) – و المنطقة الصناعية بالمحلة. المناطق دي بيكون فيها شركات كبيره علي فكره و اكيد هيكون فيه فرص . اعملي عنها بحث هتلاقي كل المعلومات و اعملي الcv التمام و كلمي الشركات أو انزلي يوم لفي لفة علي كل الشركات دي و سيبي ال cv عندهم . دا غير انك ممكن تتابعي الجرائد المحلية بتاعت المحافظة انا كمان عايزاكي تقري شغلانة في 10 أيام... www.rashakhalifa.net ممن تحملي منها الموضوع و هيفح قدامك حجات جديدة ارجو انها تفيدك ... كمان ممكن تتسلي كده في العمل من المنزل عبر الانترنت و دا هيكون مشروح في شغلانة في 10 أيام برضه ... لحد ما تلاقي وظيفة ثابته ..