فى الوقت الى بنعيشو دلوقتى ظهر وانتشر الفيس بوك, اه قبل الثوره كان فى فيس بوك وفعال ونشط وفى الحلو وفيه الوحش بس بعد الثوره العظيمه الى قامنا بيها احنا الشباب وشاركنا المثاقفين , ظهرت حاجه غريبه جدا ان الناس الكبار مقصدش طبعا العواجيز ومقصدش السن, اقصد اهلينا فى البيوت او بمعنى اصح زى ما الناس بتقول عليهم دلوقتى حزب الكنبه, لما وسائل الاعلام ابتدت تذكر كتير اسم الفيس بوك ,وازاى الشباب قدروا يتجمعوا وبتجمعوا وبيعملوا حاجات مفيده . اتضحلهم ان مش اى حاجه الشباب بتعملها تافه ,وعرفوا انو مش كل اعدتهم على الكومبيوتر او اعدتهم فى الكافيهات بتبقى مضيعه للوقت ,لا عرفوا واتاكدوا ان اعده الكمبيوتر بحث ومعرفه وتجميع معلومات ..والاعده فى الكافيهات بتجمعهم فى مناقشه مواضيع مهمه تفيدهم اولا ثم بتفيد الى حوليهم والدليل على كده الثوره الى قامت ظهرت الفتره الكبيره الى فاتت ان حزب الكنبه ابتدى يشارك على الانترنت مش بس كده لا وبدوا يدخلوا على الفيس بوك كمان وبقم ليهم فاعليه واضحه وملموسه على الانترنت . ادخل فى الموضوع ومش هرغى اكتر من كده لحظت حاجه غريبه اوى ظهور جروبات كتيره جدا بقى اى حد يكح يتعملوا جروب عمرو سليمان بيقول خطاب نعمل جروب على الراجل الى واقف ورا عمرو سليمان شغب فى مبارات الزمالك كالعاده وينزل الجمهور الملعب ويلاقو واحد بيجرى بجلبيه يتعملوا جروب الراجل ابو جلبيه فى متش الزمالك اعلان يجى فى التليفزيون ويعجبهم البنت الى فى الاعلان يتعمل جروب البنت العسوله بتاعت الاعلان وهكذا بس الاغرب من كده انك بتلاقى نفسك جوه الجروب من غير متعرف مره واحده تلاقى الشات طالع نازل طالع نازل وناس عماله تتكلم ايه ده انا فين جيت هنا ازاى ومن امتى اكتش ان اى حد يعمل جروب يقوم ضايف كل الناس الى عندوا فالفريند ده اجبارى فقرر فى يوم اتفرج على الجروبات دى واشوف ايه حكاياتها وايه هدفها وهل هدفها يجذبنى انى اشارك فيها ولا ايه بالظبط وفعلا ده الى حصل فضيت نفسى يوم وابتديت افتح جروب جروب واشوف فيه ايه وتقريبا 60%من الجروبات نفس الكلام ونفس النشاط ونفس كل حاجه 40% تقريبا مختلفين وخدين طريق مختلف فى منهم الدينى وفى الثقافى وفى المنوعات وفى الفن وخاص بالبنات وفى خاص بالمراه وجملها بس الاهم من كده ان فعلا الى عامل الجروب ده عارف هو عامله ليه وعارف هدفه كويس واماشى عليه ومن ضمن الجروبات دى جروب لفت نظرى اوى والجروب ده من اسموا وصورتو ووصفوا زى ما ادمن الجروب كتباه خلونى اتخيلت هيبقى فيه ايه والجروب ده اسمو خالتى حشريه جروب خالتى حشريه ده معمول للبنات بس واى ولد بيدخل غلط فيه كانو فريسه فى غابه مفيهاش غير اسود وليلتوا معدتش ولا هتعدى وممكن الولد ده احسن حاجه بالنسبه ليه انو يعملها انوا يلغى الاكونت بتاعو احسن من على الفيس بوك الجروبى كل حاجه تخص البنات من شعر لبس مكياج اسلوب كلام اكل علاقات البنات العامه سواء فى البت فى الشغل حتى مع خطبها واى حاجه تخص البت غير كده ان الجروب واخد شكل العيله يعنى لو حد عندوا مشكله الجروب كلوا بيتجمع يحلهالوا ول حد عيد ميلادوا بيتعملوا احلى عيد ميلاد ولو فرح او خطوبه او او او او اى حاجه الجروب كلوا بيشترك فى كده سواء كانت مناسبه سعيده او حزينه ومن اكتر الحاجات الى شدتنى فى الجروب البنات نفسهم وثقاتهم الكامله فى بعضهم وفى الجروب فعلا بيتعاملو كان الجروب ده بيتهم وشقتهم غير انهم بيرتوا وبنظموا خروجات كتير ترفيهيه وثقافيه واجتماعيه وكل حاجه بجد الجروب ده من احلى الجروبات الى شفتها على الفيس بوك .نسيت اقلوكوا ادمن الجروب وصفاه ازاى "لو بتدوري على صحبة و لمة و كلام من القلب وصفات للجسم للبشره للشعر اكلات حلويات شكاوى وعاوزه تشاركى حد معاكى فرحانه وعاوزانا نفرحلك ونفرح بيكى عندك اى سؤال استشاره فى اى حاجه و محتارة تروحي فين، هتلاقي خالتى حشريه فيها ايادى بالخير ممدودة، و بناتها بينادولك يلا تعالي مع احلى صحبة دنيا ودين ".
