انتشر بشكل واسع فيديو لأحد علماء الفلك، يحذر فيه البشرية من حدوث زلزال مدمر يوم 26 سبتمبر، نتيجة اصطدام مذنب إيلين بكوكب الأرض، مما قد ينتج عنه نهاية العالم أجمع، وهو الأمر الذي قابله الفيسبوكيون بالسخرية والتريقة. ورغم التأكيدات العديدة من علماء الفلك بأن أثر الزلزال لن يكون مؤثرا بتلك الصورة التي أشيعت عنه، الفيس بوك لم يقلل من تريقته على الحدث لتقرأ أحلى القفشات. - المجلس العسكري يعلن أن الزلزال هيبقي بسبب طيار اخترق حاجز الصوت - قالك أسباب حدوث الزلزال في مصر: مجموعة الديناصورات اللى كانت بتمثل في مسلسل كيد النسا - عمرو مصطفى .. أنت عاوز تقولى إن الزلزال بيحصل بعد شهادة المشير يعنى هوا اللى زلزل العالم بشهادته لا يا عدوى أنا عارفك - حمادة هلال ... الزلازل هتحصل بسبب النيزك .. النيزك اللى هيعمل الزلازل - التليفزيون المصري: الفاعل مختل عقليا - قمر صناعي من فوق وزلزال من تحت ... ادى اللى خدناه من الثورة - و كمان زلزال حرام عليكوا كده انتوا خربتوا البلد يا بتوع الثورة .. إحنا اسفين يا ريس يعني إيه زلزال يا برادعى ؟ يعني أمك تمشي في البيت تتهز وبعدين تلبس في الحيط .. أمي أنا !! .. ايوه أمك أنت - هو الزالزال إمتي؟ هابي فيبريشن داي - معلومات عن زلزال لو الزلزال جه بالليل يبقي : تسونامي لو الزلزال جه الصبح يبقي : تسوصاحي - بيقولك النيزك هيدمر ?? دوله وقريتين ومدرسة ابتدائي و 3 محلات وسنترال و عربية تيوتا كرولا