الفنان نور الشريف هيلعب بطولة مسلسل عروس البحر، وهو المسلسل اللى بيكتبه المؤلف محمد الصفتى، ولحد دلوقتى لسه ما تحددش باقى فريق العمل، والمفروض ان الشريف هيعمل جلسات عمل عشان يختاروا باقى فريق المسلسل والمخرج. من ناحية تانية هيشارك الفنان نور الشريف بطولة مسلسل "بين الشوطين" من تأليف عبد الرحيم كمال ، وبيجسد نور الشريف فى المسلسل شخصية مهندس زراعى بيخرج على المعاش وبيتعرض لمواقف كتيرة، نتيجة التغيرات اللى حصلت فى المجتمع فى السنين الأخيرة.