في حوار ليه مع مجلة "أخبار النجوم" فتح طوني خليفة النار على عمرو أديب في خطوة بتدلّ على أنّ خلافاتهم اللى من سنتين لسه مستمرّة لحد دلوقتى....مع العلم ان الخلافات دى بدأت لما المذيع اللبناني استضاف اديب فى برنامجه الرمضاني "لماذا" على قناة "القاهرة والناس". و حاول طونى واديب انهم يستعرضوا عضلاتهم فى الحلقة اللى بقت حديث الصحافة لفترة طويلة. والنهاردة بدأت حرب التصريحات ترجع تانى ,و صرّح خليفة في حواره مع المجلة أنّه عاوز يشيل قناع الإدعاء والغرور اللى بيلبسه عمرو أديب. ووصفه بأنّه على درجة كبيرة من السخافة بسبب اللى حصل أثناء حلقته في برنامج "لماذا". و اتهم أديب طوني بأنّه رفض أنه يسلّم عليه بعد ما الحلقة خلصت.....الا ان طوني اكد ان جاله نزيف بعد الحلقة و اتنقل للمستشفى. واستغل عمرو أديب الموقف وحوله لخلاف شخصي، فصرّح أنّ طوني رفض انه يسلم عليه. واتمنى طوني أن عمرو يكون عنده 1٪ من أخلاق اخوه عماد الدين أديب ، و وضح أنّه عمره ما هيرفض أنه يكون ضيف على برنامج أديب.