مصطفى عصام .. افتكروا الاسم ده كويس جداا هتسمعوه كتير الايام الي جاية، شاب مصري فنان جدا بيعشق الفن بجنون وعنده هدف مصمم للوصول ليه . عمري ماهنسى لما كان معانا في كلمتنا وكنا نقوله بهزار: صدعنا يامصطفى .. :) ويبدا بالغنا وافتكر انه دايما كان منبهر بانغام واغانيها وساب مرة لانغام رسالة على البريد الصوتي ليها اغنيه ليها بصوته هو .. ولما انغام طلعت في العاشرة مساء علقت على صوته وقالت انه ولد كويس وعايزة اساعده . مصطفى من الشباب الي لازم مجلة كلمتنا تفخر بيهم مش عشان عمل اغنية ودي اول اعماله بس ، لا ده عشان مصطفى فضل ورا حلمه لحد ماحقق اول خطوة على طريق الفن . مصطفى ..اهدى اغنيته الجديدة لمجلة كلمتنا اغنية " لما ضاقت عليا" و كلمتنا بتقولك مبروك على اغنيتك الجديدة و الجميلة ومن نجاح لنجاح وكمان بتقول لكاتب الاغنية "كيرو راجي" مبروك باعتباره برضه واحد من الكلماوية . هنسيبكم بقى مع الاغنية الجديدة لمصطفى و كلام انغام عليه .