قرر حكيم انه يتبرع باجره بالكامل من الحفلة اللي حيعملها في حفل ختام مهرجان جوهرة الثقافة الفرنسي و اللي اتحدد ليه يوم 28 أغسطس اللي جاي لصالح صندوق معاشات نقابة المهن الموسيقية . وكان حكيم فاجأ أعضاء مجلس النقابة في الاجتماع اللي اتعمل يوم الاثنين اللي فات بانه جه لمقر النقابة ومعاه تورته جابها مخصوص عشان يحتفل بعيد ميلاد صاحبه الشاعر والمطرب مصطفي كامل وبعد ما خلصوا الاحتفال قرر حكيم انه يتبرع باجره كله لصالح النقابة وقال "انا حاسس بالأمل في التغيير الحقيقي جوه النقابة بعد ما اختارنا مجلس النقابة الجديد اللي بيضم مجموعه مختارة من المطربين والموسيقيين وعشان كده لازم علينا كلنا أبناء نقابة الموسيقيين اننا نساعد المجلس في تحقيق أمال الموسيقيين المصريين وطموحاتهم وانه مستعد انه يقدم حفلات يروح دخلها للنقابة ".