عشرات الجروبات انتشرت مؤخرا ارتبط اسمها بما حدث في العباسية .. منها جروب رجالة العباسية مش بلطجية و في الجزء الخاص بالتعريف عن الجروب كتب مؤسسها : يعني لما تكون رايح من ميدان التحرير لوزارة الدفاع ومعاك مولوتوف وأسلحة بيضاء وتولع في عربيات الناس وتكسر محلات تبقي متظاهر سلمي وناشط سياسي! إنما لما تقف تحمي منطقتك تبقي بلطجي ومشاغب ومن الفلول. وجروب اخر يحمل اسم "مسيرة شباب شبرا الخيمة وأمبابه لتطهير التحرير" وقالوا فيه : نتيجة لما يعانيه الشعب المصري من عدم استقرار وانتشار البلطجة والبطالة قررنا شباب شبرا الخيمة بالأتحاد مع شباب أمبابة لعمل مسيرة الي ميدان التحرير وأخلائه بطريقة سلمية أولا عن طريق ارسال بعض الحكماء ولكن ان لم يخلوا الميدان سنتصرف بمعرفتنا. وعلي طريقة كلنا خالد سعيد قام اخرون بانشاء جروب تحت اسم "كلنا اهالي العباسية" وقالوا في التعريف عنه : احنا اللي قالوا علينا بلطجية وفلول وزيول وكل الالقاب ..احنا اللي نزلنا ندافع عن بيوتنا وعن عربيتنا وعن محلاتنا واكل عيشنا علشان منطقتنا ما تنقلبش ميدان تحرير تاني ..احنا اللي انتصرنا علي الخونة واللي كانوا عاوزين يعملوا فتنة بين الجيش والشعب وقدرنا نحمي الجيش من بطش من يطلق عليهم الثوار وهم ابعد ما يكون عن هذا اللقب..احنا ولاد البلد الجدعان اللي بيرفضوا اي حد يدخل يدمر منطقتهم ويقفوا ساكتين لا والف لا احنا قادرين نحني منطقتنا من بطش الخونة والفاسدين ومن لا يختلف عن النظام السابق في شئ .. اللهم احفظ بلدنا مصر الغالية من كل سوء.