* في الأعوام الماضية كنا نلاحظ أنه بمجرد انتهاء شهر رمضان تظهر الخريطة الجديدة للمسلسلات الدرامية للموسم التالي.. ولكن شيئا مدهشا يحدث هذا العام.. لا خريطة واضحة حتي الآن.. أما الشيء المبكي أنه كلما سألت مسئولا يقول لك "مفيش حاجة باينة"!! يا نهار مالوش صبح.. بقي مسئولو الدراما في مصر مش عارفين حاجة في أي حاجة.. يعني خلاص نقول عليه العوض واللا لسه شوية!! * يا أخي المنتج اللي لقبه في الوسط الفني "لا فاش كيري" شغال زي المنشار ولا كأن عندنا أزمة سيولة.. ده قطاع الإنتاج والمدينة وصوت القاهرة مفيش عندهم مليم أحمر.. أمال أخينا بيجيب الفلوس دي منين.. فعلا أرزاق.. بس مع اللي سكته سالكه..!! * اللي عاوز يسمع نميمة للصبح يروح كافيهات المهندسين.. كل الممثلين والممثلات -وهم كثيرون- اللي مش لاقيين شغل قاعدين هناك وهاتك يا كلام في سيرة الناس.. المهم الجماعة دول معاهم فلوس يدفعوا حق المشاريب واللا كل واحدة بتجيب واحد يدفع لها الحساب.. وكله علي النوتة..!! * يسرا.. ليلي علوي.. الهام شاهين.. هن فراخ الدراما المصرية اللاتي يبضن ذهبا حتي وكل واحدة منهن قاعدة في بيتها.. ولكن لديهن مشكلة أنهن تحت سيطرة الاحتكار.. أي احتكار..!!