وضع الشباب خلافاتهم السياسية جانبا ورحبوا علي تويتر بأول حاسب لوحي مصري "تابلت" من إنتاج شركة بنها للإلكترونيات تحت اسم "إينار" ليستفيد من التابلت المصري المدرسون والطلبة لتطوير العملية التعليمية. ورغم تشكك البعض في أن يكون الجهاز مصريا 100% لكن أغلبهم بدأ مفاضلة التابلت المصري علي الماركات العالمية لمجرد انه مصري. ورأي البعض ان هذا الخبر بمثابة إضاءة وسط الظروف الاقتصادية والسياسية التي نمر بها. * أحمد عزت : إينار أول تابلت مصري. عقبال أول سيارة مصرية. عقبال أول مصل للايدز. عقبال أول مكوك فضائي. * علاء الدين : نقلة في تاريخ مصر. فينك ياعاطف ياعبيد انت ونظيف معرفتوش تعملوا استيكة مصرية! * هبة الله : الحمد لله عملنا أول تابلت مصري. عقبال ما النور ييجي وميقطعش! * هيثم : اللي حابب يتريق علي إينار وجودته اللي لسه معرفهاش. بقوله متنساش جودة الصيني إزاي. الفكرة ان فيه صناعة مصرية. * أحمد عطاالله: بداية متفائلة ولكن دعنا نكن أكثر واقعية.. الذين هم تحت خط الفقر لا يحتاجونه نريد تشريعات حقيقية تعني بالمواطن البسيط بعيدا عن السياسيين! * د. مروان : يعني البروسيسور والشاشة مصري؟ أشك. بس لو مصري فعلا هشتريه. * يوسف علي : المشكلة اللي هتواجه إينار هي ازاي هيصمد امام الشركات العالمية؟