مع الأخبار المتتالية عن قتل أو اختفاء عدد من النشطاء السياسيين بشكل متلاحق، زادت التساؤلات عن كيفية استهدافهم بتلك السهولة والسرعة، واختطافهم أو قتلهم وهم وسط أعداد غفيرة في ميدان التحرير؟! من جانبها حاولت الناشطة السياسية والصحفية نوارة نجم الرد على هذا السؤال من خلال طرح استنتاجاتها على مواقع التواصل الاجتماعي، لتحذر من قيام بعض الأشخاص باستهداف مؤسسي الصفحات الثورية أثناء مشاركتهم في المظاهرات. وقالت نوارة:'' أنا مش عايزة أفسر لحد ما أتأكد بس في حد من اللي اتقتلوا احنا شاكين في صاحبته... بس لحد دلوقت مجرد شك، احترسوا المُزز ''، مضيفة '' اللي عامل صفحة، ولا بيرسم جرافيتي، ولا بيأمن مظاهرة.. يخلي باله من نفسه''. وطالبت نوارة، جميع النشطاء بتغيير الإيميلات الخاصة بهم وتغيير أسمائهم، حتى لا يستطيع أحد التعرف عليهم بسهولة. واستكملت الاستنتاج قائلة ''مش أي حد يشتم في الإخوان ويبعت لك انبوكس تضرب معاه صحوبية وتروح تقابله في المظاهرة وهم بيبقوا إخوان وبيسلموهم.. لو سمحتوا خدوا بالكوا، وكمان وأنت بتكتب علي التويتر إنك في مظاهرة أو فاعليات بتلاقي ناس ما تعرفهاش تخش تقولك" أنت فين دلوقت يا فلان.. قال يعني بتتابع الأحداث.. ما تردش''. وطلبت نوراة من النشطاء تجهيز رسالة ''أنا اتمسكت'' في الموبايل، حتي يرسلها وقتما يتم القبض عليه، قائلة ''ما تستهونش بنفسك وتقول أنا مين يعني؟ هو أنا البرادعي؟ بالنسبة للإخوان صفحتك ونشاطك ونزولك مخليك أخطر من البرادعي''. واختتمت نوارة قائلة '' أنا عارفة إنك عايز تستشهد وإنك شجاع وفاتح صدرك، بس وأنت عايش بتخدم البلد أكتر من وأنت ميت.. مش شطارة إنك تسلم نفسك يقتلوك". وتم تداول نصائح نوارة نجم علي الفيسبوك على نطاق واسع على الصفحات التي تهاجم نظام الإخوان المسلمين، حتى يحذر كل ناشط أو مؤسس صفحة من تلك الخدع التي ربما تكون طريقة لاستدراج أو معرفة أماكنهم ومن ثم خطفهم أو سحلهم أو قتلهم!