موجة سخرية قوية انتشرت علي صفحات وجروبات الفيسبوك، فور عرض إعلان التليفزيون المصري الذي يحث المواطنين علي اخذ الحرص من التفوه بأي معلومات يمكن أن تدين مصر بأي شكل من الأشكال. ومنا هنا انطلقت حملة "ريلي" والتي يظهر فيها احد الاجانب يجلس علي القهوة لمجرد سماع ماذا يقول المصريون، ليكون هذا الإعلان هو شرارة السخرية للفيسبوكيين الذين وجدوا أن هذه الحملة القومية التي تديرها وزارة الإعلام سوف تعمل علي هجرة السياح من مصر في أقرب وقت، خاصة مع إذاعة نظرية التخوين وأن علي المصري أن يتخذ حذره من أي أجنبي يتحدث معه! لم يتوقف الفيسبوكيون عند هذا الحد، لتبدأ التعليقات الكوميدية في الانطلاق والتي تحمل كلمة "ريلي" في طياتها، كما قاموا بعمل فيديو يسخر من الإعلان تحت عنوان " افتح التلفزيون يا أمل .. ومتسمعش اي كلام في الهبل".وقد تردد أن التليفزيون المصري منع عرض الإعلان علي شاشته. شاهد اطرف التعليقات التي صاحبت عرض الإعلان علي الفيسبوك: - مديري الاجنبي قال كلمة ??ريلي?? و هو بيكلمني ابلغ عنه ولا احتفظ بالوظيفة؟ - ماشي في الزمالك، واحد اجنبي سألني ازاي يروح المتحف. كان فاكرني اهبل و مش عارف انه جاسوس. وصفت له الطريق لبيت فايزة ابو النجا - واقف مع صديق ، أبويا شافه قاله امشي يا ابن ... ، ذنب صاحبي إنه أبيضاني بشعر أصفر ?? مصدوم ، مش في ابويا ،في نفسي ازاي مخدتش بالي من بدري - كله كوم والجاسوس اللي سألني طلعة المحور كدة ولا كدة؟ زمانه وصل الواحات دلوقتي.. تحيا مصر - واحد جاسوس قابلني الصبح في محطة المترو ,, بيسألني اتجاه حلوان منين , مرضيتش اقوله عشان مصر , و مشيت و سبته - افتح التلفزيون يا أمل .. ومتسمعش اي كلام في الهبل - واحد صاحبي اتصل بيا وسألني عامل ايه وايه اخبار ميدان التحرير قفلت المكالمة ورايح ابلغ عنه - قابلت الجاسوس النهاردة في محطة البنزين بيسالني 92 ولا 95 بس علي مين ولا عبرته انا مديش اسرار بلدي لحد ابدا - النهاردة الجاسوس سألنى فين شارع طلعت حرب بس انهار ف ثانية أول ما سألته هم قالوا لك فين ؟ - مين شاف الجاسوس وهو بيبعت المعلومات السرية من موبايله على تويتر والمعلومات هي اننا عندنا ازمة بنزين ومواصلات ?: - وفي اعلان جايبين العيال اللي بيكلموا الجاسوس عالقهوة واحد لابس شال فلسطيني.. قال يعني يساري.. والجاسوس بيبعت التقرير بالموبايل - انتظروا النسخة الجديدة من فيلم ??ريلي?? - مش عارفه بقي بس احتياطي اعملي كفاره التجسس ?? انك تستحمي 7 مرات اخر واحده منهم بالتراب - انا واحدة سألتني علي الزهرة بتاعة الغسيل وبعد ما حكيتلها قصتها قالتلي ??ريلي?? هو انا كدة فتنت؟ - المدير بتاعي بيسالني هتنتخب تفتكروا هو ده الجاسوس ??ريلي?? خايف اديله اي معلومة عشان مصلحة بلدي مش هقوله هنتخب مين - اي حد يسألك هتتغدو ايه النهارده اعرف انه الجاسوس?? وش - كنت قاعد علي القهوة امبارح ??وفجأة لقيت واحد بيقولي معاك فكة 100 جنية يا كابتن؟ ??بصيت له من فوق لتحت وسكت?? عرفت طبعا إنه جاسوس !
