واصل مصطفى يونس لاعب الاهلي السابق ومقدم برنامج " هنا القاهرة " حملة انتقاداته اللاذعة لرابطة مشجعي النادي الاهلي " التراس اهلاوي " بسبب استمرار اعتصام أعضائها امام مجلس الشعب. قال يونس :" اتمنى ان تعي جيدا ادارة الاهلي وجماهير النادي دور الشرطة اللى بتهاجمها جماهير الاهلي وبتشتمها على الفاضي والمليان , عرفتم قيمة الامن دلوقتي , وبتجروا وراها علشان تؤمن لكم مباراة البن الاثيوبي " واضاف :" انا عايز اعرف الناس المعتصمين امام مجلس الشعب معتصمين ليه، التحقيقات انتهت، وتمت احالة اكثر من 70 شخصا للمحاكمة بتهمة القتل العمد مع سبق الاصرار والترصد عايزين ايه تاني، ولو قعدتم 100 سنة معتصمين مش حتعرفوا تغيروا حاجة " واختتم يونس حديثه بأن هناك جماعات بتمول التراس اهلاوي بهدف زعزعة الاستقرار في مصر، مؤكدا ان الالتراس لن يحكم مصر وانهم لا يستطيعون ان يفرضوا قوانينهم على البلد، بل ان قوانين مصر هي التى ستحكم في النهاية . وكان الاعلامي احمد شوبير قد انتقد رجال اتحاد الكرة بسبب استئذان التراس زملكاوي واهلاوي في استئناف الرياضة في مصر قائلا: "عار عليكم ان تستأذنوا الالتراس علشان الكرة ترجع تاني ".