كالعادة الفيس بوك يتابع دائما كل الأحداث ومجريات الحياة فى مصر، حيث نجده يسخر من بعض تفاصيلها علي صفحاته وجروباته المختلفة، ليكون آخر تلك المواضيع الساخرة، هو تخيل فاتنازي لتصريحات نجوم السياسة بعيد الأضحى، وكيف سيكون تصريح كل شخص وفقا لقناعته السياسية. - اضحك مع تصريحات رجال السياسة بعيد الأضحى: الليبراليين : السلخ اولا والإخوان يردون: الذبح اولاً والعلمانيين: يجب فصل اللية عن اللحمة العيسوى: معندناش عيد اساساً عشان حد يقولنا فيه خرفان اندبحت ولا لأ المجلس العسكرى : احنا اللى حمينا الفروة عصام شرف : ايه ده،هو فيه عيد أحمد شفيق محدش يزايد على فروتى،انا دبحت واندبحت فى كذا عيد قبل كده عمر سليمان: المصريين غير مؤهلين للحمة الضانى المخلوع : لم أكن انتوى ان اذبح ، وكنت اود ان اذبح بنى وطنى ، على ارضها ذبحت و على ارضها سلخت ، والسلام عليكم توفيق عكاشة: لو قلتلى يا سى البرادعى خروف العيد فى سوق المواشى بيكلف تربيتة كام حنتخبك رئيس جمهورية ، طب بلاش ديه ، تقدر تمسك اللية بأيدك من غير ما تقرف احمد سبايدرو: و الله يا شعب انتو ما فاهمين حاجة ... الخرفان دى مارينو من اللى جاية من استراليا .. و انا حعمل صفحة اسمها خروف العيد عميل مارينو بالدليل مليونية الخرفان تتوافد على السلخانة يوم الاحد القادم حمادة هلال : خروف العيد الكبير اندبح فى العيد الكبير