تصدّر هاشتاج #كأس_الأمم_الإفريقية” قائمة الهاشتاجات الأكثر تداولًا عبر موقع تويتر، رفضًا لأسعار تذاكر مباريات كأس الأمم الإفريقية التي أعلنت عنها سلطات الانقلاب، وأكد المغردون أن الأسعار تجعل حضور المباريات مقتصرًا على الأغنياء فقط. وكتب اللاعب السابق هيثم فاروق: “المشجع الحقيقي اللي ح يشجع مصر من قلبه لا يملك 200 جنيه علشان يدفعها تمن لتذكرة مباراة”. فيما كتب وليد الغادي: “عندكم إصرار إننا نحتقركم يا أزبل اتحاد شفناه.. كل همكم الفلوس.. عملتوا سبوبة قذرة مع محمد صلاح وفى الآخر اتفضحتوا على الملأ.. تسافروا وتتفسحوا فى روسيا على حساب الغلابة وفى الآخر رجعتوا بفشل ومرارة التمثيل المقرف.. كفاية الله ياخدكم ونرتاح منكم يا عديمى الكرامة”. وكتب ميدو منصور: “بعد الضجة اللي معمولة على أسعار تذاكر كأس الأمم الإفريقية في انتظار “السوبر سيسي” يطلع يرخص الأسعار ويفرح الشعب والإعلام يطبل.. قصة اتهرست كتير”. فيما كتب الإعلامي الانقلابي أسامة كمال: “أتعجب لأسعار تذاكر مباريات كأس الأمم الإفريقية وكأن الجماهير على الباب بعشرات الآلاف لمشاهدة مباريات مصر ليست طرفا فيها”. وكتب عبد القادر سعيد: “أسعار تذاكر ماتشات مصر في كأس الأمم الإفريقية من 200 إلى 600 جنيه، طبعا ده تطفيش وطرد للفئة اللي بتحضر الماتشات أساسا، واللي في بينهم وبين الأمن مشاكل، واستبدالهم بفئة 2006.. ودي مجازفة كبيرة ممكن تخلي نص الملعب فاضي خصوصا في الماتشات السهلة”. فيما كتبت رنا مصطفى: “أسعار تذاكر ماتشات المنتخب في كأس الأمم الإفريقية فى مستوى نجيب ساويرس وأحمد أبو هشيمة يا كمال بيه”. وكتب أحمد وليد: “هو انتوا عاملين التذاكر ليكوا انتوا وصحابكوا؟ 200 جنيه ايه اللي أدفعهم عشان اتفرج على مروان محسن والنني!.. دا القطة الغلبانة اللي كانت بتبقى في المدرجات هتبطل تروح”. فيما كتب أبو العز: “النهاردة اتحاد الكرة حدد تمن تذكرة مباريات كأس الأمم الإفريقية.. درجة أولى 600 جنيه.. درجة تالتة 200 جنيه.. يعني بكل وضوح ممنوع دخول الغلابة”. وكتب محمد حسن: “السيسي قال الحاجة الغالية ما تشتريهاش.. أسعار التذاكر الغالية في بطولة كأس الأمم الإفريقية ما نحضرهاش”. فيما كتب أحمد سرحان: “يا جماعة موضوع تذاكر بطولة كأس الأمم الإفريقية خاصة الدرجة التالتة دي بالونة وهتفرقع ما تبقوش خُفاف، هما بدل ما يعملوها 100 ج من أولها قالك لأ نخليها ب200ج والدنيا تسخن ويطالبوا بتخفيضها وبعدها ينزل أبو صدر حونين ويقولك لا ماينفعش خلوا الناس تتبسط وصقف صقف ياعم الحاج”.
