رغم صعوبة الطقس، وارتفاع درجة الحرارة في معظم البيوت المصرية مع قدوم موسم امتحانات الثانوية العامة، إلا أن قفشات الطلبة على منصات التواصل الاجتماعي ساعدت في برودة الاجواء نوعا ما حيث كتب أحد الطلاب ساخرة "الثانوية العامة هي اقوي نظام عرفه العالم لا ينهاااار ابدا"، فيما استدعى شاب أخر بعض القضايا السياسية خاصة الحملة المزعومة باسم "تمرد" وربط بينها وبين امتحانات الثانوية باسلوب ساخر قائلا : "خاص لطلبة الثانوية العامة ماتيجوا نعمل حملة تمرد اشمعنى احنا يعنى هى جت علينا احنا".. وعلى المنوال ذاته نقف على عدد من التغريدات التي تناول اصحابها امتحانات الثانوية العامة: ايمتشيكا : اتعلمت ايه من التعليم المصرى ان الجامعة اصعب بكتير م الثانوية العامة أدهم سراج:مجرد الضغط النفسى بتاع الثانوية العامة كفيل أنه يخلى الطالب فاشل بطريقة غير طبيعية.. آية شتا:في مثل هذه الأيام العام الماضي، كنت أذاكر فيزياء ثانوية عامة . ليت الثانوية العامة تعود يوماً. اسماء القوطي:يارب مش لازم اطلع الأولى على المدرسه كفايه انى اجيب مجموع يعدينى وخلاص يارب . علي عمر:هو فيه مين دلوقتي ماعندهوش اكتئاب الثانوية العامة ! نورهان:زي الأيام دي من سنة .... كانت بداية النهاية ليا و لكل طالبة الثانوية العامة .... الحمدلله إني صحيت من الكابوس ده :) شذا فكري:مش ممكن تكون الدماغ اللي ذاكرت بيها في الثانوية العامة هي نفس الدماغ اللي انا بذاكر بيها دلوقتي. بوسي يحييى:الثانوية العامة علمتني يعني اية ادخل امتحان وانا معرفش كلمة في المنهج محمد حسن:مافيش نهاية حلوة، وتالتة ثانوي دي هي نهاية الثانوية العامة. أظن الرسالة وصلت. سارة العبد:يإرب لا تضيع تعب لطلاب الثانوية العامة وفرحهم بأعلى المعدلات. محمد محمود:يعني ايه علشان مستواك في سنة دراسية ثانوية عامة تحددلك باقي حياتك شمال ولا يمين!!!! هاني محمود:ده اخر شهر لينا في ثانوية عامة. و بعد كام شهر تعب السنتين دول هيتنسى مش هنفتكر غير الحاجات الحلوه الحصلت فيهم وكل واحد بعد كدا حياته هتتغير. قفشات الطلاب بعيدا عن استعادة بعض الذكريات أو الدعوات للتوفيق، حضرت قفشات الطلاب عبر منصات تويتر التي لم تغب رخول دخولهم لجان الامتحانات بشكل رسمي: عبد الرحمن:اللي اخترع كلمة "هي كيمياء " على أي حاجة صعبة ده أكييد حول أدبي في ثالثة ثانوية عامة و مخدش فزياء. محمود خيري:اي حد لما يقابل واحد في ثانوية عامة يقوله حاجتين فاضل اد ايه علي الامتحانات و شد حيلك. سوبر عمرو:يعني هما 5 مواد و10 شهور عشان نذاكرهم وبرضوا مفيش فايدة. التركي: دخولي للامتحان بهدف المشاركة وليس المنافسة. وسام:انا مش خايفة من الثانوية العامة اد ما خايفة من كمية التيلفونات اللى هتيجى لماما وبابا يوم النتيجة. محمد عادل:الثانوية العامة خلت الواحد ينهج و هو بيكتب التويتايه. سليم:هي الثانوية العامة دي دراسة و كدة ولا تكفير ذنوب؟ شيكو:قربت اخلص امتحانات و لسة هقول هيييه لقيت نفسى هدخل على دروس الثانوية العامة Destrology : فيها ايه لو الدولة تخلي مجاميع "الثانوية العامة" حلوة وتفرح العيال ؟