تحول عيد ميلاد "المخلوع" على مواقع التواصل إلى مناسبة جديدة لمحاكمته وإحصاء فساد النظام السابق والذى دفع ملايين المصريين فاتورته غالية من أرواحهم ومستقبل أبنائهم. إسلام: دولة بوليسية.. ترزية قوانين.. تعذيب.. كل سنة وانت مش طيب يا مبارك. تامر سعيد: لو إن الثورة كل اللى عملته إنها خلت فرعون يبقى جوة السجن يبقى كفاية، من 3 سنين كان فى ناس بتقول يوم ميلادك يوم ميلاد مصر. عبد الله: كل سنة وأنت طيب يا مخلوع وإن شاء الله السنة اللى جاية نقول كل سنة وأنت طيب يا معدوم والشعب يفرح. ياسر أحمد: كل سنة وأنت طيب يا ريس ربنا يديك الصحة ويطول فى عمرك لحد ما تقضى فتره سجنك كاملة. مصطفى فهمى: وبالمناسبة السعيدة دى فى عيد ميلاد مبارك نهديله من أسرة البرنامج مشربتش من نيلها ولا كنت مقضيها مية معدنية؟. أحمد شوقي: فى عيد ميلاد السجين حسنى مبارك ربنا يمد فى عمره 30 عاماً يقضيها سجيناً ذليلا. عاطف: من 4 سنين كنا عاملين حفلة لمبارك «مصر اليوم مش فى عيد» حبسونا يومها واتجرجرنا على الأقسام والنهاردة مبارك مرمى فى السجن. محمد عادل: وفى ذكرى ميلاد زعيم الفلول مبارك.. نحب نفكره أن فى نفس اليوم ده فى 2009 احنا كنا مرمين فى السجن.. النهاردة هوه إللى نايم عالبرش. محمد الشامى: عيد ميلاد مبارك ال85.. زمان جيمى وعلاء بيغنو أبو الفصاد دلوقتى. ابن الشهاوى: كل سنة وانت طيب.. ومن عشماوى قريب.. والسنة دى معانا واللى جاية برده فى السجن. محمد محمود: كنت بكتب حاجة عن عيد ميلاد مبارك وفجأة لاقتنى بكتب الديكتاتور مبارك. أيمن حافظ: يا جدعان النهاردة 4 مايو.. عيد ميلاد الرئيس المخلوع: التلفزيون لازم يجيب فيلم الناصر صلاح الدين بقى ويستعيد أمجاد الفترة دى.