دشن عدد من النشطاء السياسيين صفحة على موقع التواصل الاجتماعي "فيسبوك" تدعو إلى ثورة جديدة في 25 يناير 2016، من أجل الحرية والعدالة، حسب قولهم. وقالت الصفحة التي انضم إليها آلاف النشطاء بعد دقائق من تدشينها:" خرجنا يوم 25 يناير 2011 من أجل الحرية والعدالة : وتحت حكم عبد الفتاح السيسي تحولت أحلامنا كلها إلي كوابيس مرعبة : - مفيش حرية رأي - مفيش حرية تعبير - مفيش حرية تظاهر - مفيش إعلام حر - الشرطة رجعت بنفس قمعها وغبائها - الشباب اللي خرج في 25 يناير دلوقتي في السجون - التطبيل والنفاق هما اللغة السائدة - الغلاء بيطحن الفقراء - الواسطة والمحسوبية زي ما هما - المرتبات مش بتكفي لنص الشهر - القضاء والجيش هما بس اللي مرتباتهم بتزيد - نواب الشعب عبد الرحيم ومرتضي ومصطفي بكري - العامل الغلبان مش لاقي حق العلاج ولا تعليم أولاده - البلد مفيهاش غير راجل واحد - السياسة ماتت والاحزاب اتحاصرت - امن الدولة رجع تاني - الخطف والاعتقال بقى عادة يومية، وذلك حسبما نشرت الصفحة. وأضافت: "علشان كده فرصتنا اننا نوجه رسالة للنظام لسة موجودة وبقوة يوم 25 يناير الجاي نخرج في الشوارع والميادين ونرفع شعارا "ارحل .. زهقنا.. ندافع عن ثورتنا وعن مستقبلنا وعن حقنا في وطن بجد.. يناير مش هتموت مهما حاولوا .. انتصارنا اكيد لو اتوحدنا ونسينا خلافاتنا ونزلنا نبعت رسالتنا الواضحة". واختتمت الصفحة بيانها الأول ب": شارك .. احشد .. انشر " هنسقط الاستبداد " عاشت ثورة يناير".