ألم تدرِ بما فعلوا .. بشابٍ نابه الفقر قالولي تعالى دي الدنيا هتبدأ تاني وتكمل قالولي تعالى ماتخافشي قالولي دي بكرة تتجمل وأول لما جيت ليهم لقيت الغدر ف عنيهم وربطوا إيديا بإيديهم وهات يا مرار، وأنا أتحمل وفي الآخر لقيت حلمي ورا جيشهم وبيجروه ألم تدرِ بما فعلت .. بقلب مسّه الضر فضلت أحكيلها عن حالي وعن إني بموت فيها فضلت أعملها أغنية وألحنها وأغنيها فضلت أحكيلها وأحكيها ف كل حكاية برويها وكل قصيدة بكتبها ووردة ف غصن برويها وسبحان اللي كان قادر ينسيني وْ ينسيها ألم تعلم بأن الحب .. فيه الحلو والمرُّ عشان الحب بيقوي أنا دايمًا بكون أضعف بحاول إني أتقوى ومش بعرف ولا هعرف هعيش العمر وحداني بدون أحباب ولا قوة وهستقوى بأحزاني وبالحب اللي مش هو هخلي ف ضحكتي دمعة سواء من برة أو جوا ألم تعلم بأني لم .. أذوق الحب في العمر مافيش ولا حد كان حابب يكمل عمره ويايا وكان الكره بيحول بداية قصتي نهاية كإن أنا والفرح دايمًا بنلعب إستغماية هيخلص عمري وحياتي بلا مأوى ولا مبدأ أنا قررت كالآتي: أنا هنهي بدون م ابدأ ألم تدرِ! بلى أدري .. ولكن أعشق المكر