وجه الرئيس عبدالفتاح السيسي، حديثه ل الدكتور شريف الجبلي رئيس مجموعة شركة «بولي سيرف» للأسمدة والكيماويات، خلال عرض مشروعات مستثمري مبادرة «ابدأ» في الملتقى والمعرض الدولي الأول للصناعة، قائلا له: «انت تفتكر حد هياخد طاقة أرخص من الطاقة اللي بتاخدها في مصر.. غاز أو كهرباء؟»، ليرد «الجبلي» عليه: «لأ مفيش». وأضاف الرئيس السيسي، خلال كلمته في افتتاح الملتقى والمعرض الدولي الأول للصناعة، المقام حاليا بمركز المنارة للمؤتمرات: «لو سعرت الكهرباء النهارده على التسعير الحقيقي ممكن يتضاعف الرقم اللي بيدفع دلوقتي 10 مرات، وده مش هيحصل.. ونحن حريصون على الاستقرار ». وتابع الرئيس: «أتصور أن أي تحدي موجود عندنا دلوقتي في مصر وخلال السنين اللي فاتت، والتحدي بيولد فرصة مش عقبة زي ما الناس متصورة، والأزمة بتولد فرصة، لو احنا عندنا الإرادة والاستعداد».