وجهت الفنانة راندا البحيري، انتقادات لاذعة لزميلتها حلا شيحة، التي هاجمت تامر حسني بسبب فيلم «مش أنا» وفيديو كليب أغنية «بحبك» للترويج للفيلم، وإعلانها توبتها محذرة إياه مما أسمته غضب الله، فضلًأ عن انتقاداتها لزملائها بالوسط الفني وذلك عبر حسابها على موقع «إنستجرام». راندا البحيري تسخر من حلا شيحة: إزاي تكوني داعية؟ اتجوزي وانتقدي الناس عادي وكتبت راندا، عبر حسابها على موقع التواصل الاجتماعي «فيس بوك» قائلة: هو محدش قال لحلا إن باب التوبة مش موجود على الإنستجرام؟، هو برضه اللي مضطرب؟ لالالا، والله كانت صعبانة عليّ في الأول، بس كده صعب أوي حد ياخد بقي منها الموبايل بسرعة. وتهكمت راندا البحيري على كلمات حلا شيحة بقولها: فتاتي إزاي تكوني داعية بمنتهى السهولة وتنصحي زمايلك وتنتقديهم في يوم وليلة؟. واستكملت قائلة: عريس وطرحة اتنين متر وفرح، بس بقى من تاني يوم حضرتك تقدري كده تبقي رئيسة مجلس إدارة العالم وتقولي مين هيدخل الجنة ومين لاء، ده بتقولك إحنا بمقايس ربنا لم و(لن) ننجح والعياذ بالله إن شاء الله إنتِ. راندا البحيري لحلا شيحة: مش إنتي اللي تتكلمي عن تامر حسني وتابعت: هو محدش فهمها إن اللي بتعمله ده ممكن يعرضها للمسائلة القانونية وإنها بتضر بسمعة فيلم وبالتالي إيراداته؟ وبتتكلم عن ممثل ونجم بحجم تامر حسني بالشكل ده أكنها أحسن منه، واحنا كلنا عارفين الخير اللي بيعمله تامر طول عمره في الخفا وفي العلن على إيدينا كلنا، فضله على ناس كتير أوي و ربنا جعله سبب لفتح بيوت أد كده، تقوم دي تنصحه؟ لا والله هم يضحك. حلا شيحة تهاجم تامر حسني وتنتقد الوسط الفني وكتبت حلا شيحة، عبر حسابها على موقع «انستجرام» قائلة: تفاجئت بكليب يجمع فيه مشاهد متفرقة من الفيلم و في أيام ذي الحجة أيام مباركة، خصوصا ًبعد وعد تامر حسني ليا وتأكيده إنه حيحترم رغبتي و بعض الطلبات اللي طلبتها منه بكل احترام وود. وتابعت: احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح، أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي الكليب ده ميرضيش ربنا وأنا عيطت لإني شوفت نفسي في المشاهد دي، دي كانت زلة نتيجة ظروف مريت بيها وكلنا بنغلط و لازم نغلط علشان احنا بشر بس المصيبة إننا بنغفل و بننسى. واستطردت حلا شيحة قائلة: أنا مش حتكسف من حد أنا توبت من المشاهد دي و هي لا تصح وأنا غلطت و بصلح وأهم حاجة إن ربنا يرضى عني لأن في الأخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص احنا أغلبنا ناسينها إلا القليلين منا. وتابعت: الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن، احنا كلنا عندنا امتحان في الدنيا دي.
