تصدر الفنان يوسف الشريف تريند موقع التدوينات القصيرة «تويتر»، بعد تصريحات السيناريست مدحت العدل مع المخرجة إيناس الدغيدي في برنامج «شيخ الحارة والجريئة»، عنه ورفضه المشاهد الساخنة أو التلامس مع ممثلة في أعماله الفنية. وتحدث مدحت العدل عن يوسف الشريف قائلا: «هو حر، يرفض تقبيل البطلة أو ملامستها، هو حر طالما المخرج موافق، بس مش حر إنه يطلع يقول الكلام ده على الهواء، عشان الكلام ده يُدين زملائه في العمل، هذه مغازلة لتيار نتمنى إنه ما يبقاش موجود وهو تيار التطرف». مدحت العدل يوجه سؤال ليوسف الشريف: طب ليه بتقبل فلوس الفن واستكمل العدل حديثه عن يوسف الشريف: «تلوين كل شيء بمنطق الحلال والحرام، أمر مرفوض، لما يقول رأي معلن الناس يجري التصفيق له، لكنه يدين الفن المصري اللي بنعمله من 120 سنة»، طب ليه بتقبل الفلوس اللي بتاخدها من الفن؟، إنت إنسان موهوب وممثل كويس والشباب بيحبوك، خليك في الفن بدون ما تبدي رأيك، أو دون تنظير». وسرعان ما تصدر يوسف الشريف التريند على تويتر، وجاءت أغلبية التعليقات من المستخدمين بدعمه في مسلسله «كوفيد 25» المنتظر عرضه في النصف الثاني من شهر رمضان كونه 15 حلقة. تعليقات دعم ليوسف الشريف من متابعيه وجاءت التعليقات من مستخدمي موقع «تويتر» ب: «كلنا فاكرين ومش ناسين كلنا فالانتظار يوم 16 رمضان وعلي العهد هنقول شابوه يوسف الشريف»، و«لسه متعرضش كوفيد 25، بس شابوه يوسف الشريف»، و«على فكرة هو مش متطرف ولا حاجة و لكنه مميز إنه محترم عن كتير من الممثلين»، و« يوسف الشريف.. اثبت عكس النظرية المعتادة إنك عشان تنجح في الوسط ده! لازم تتنازل عن مبادئك.. بس! ولذلك بيتحارب وهيفضل يتحارب.. لأنه ببساطة نجح جدا وله شعبية من غير ما يتنازل عن حاجة هو شايفها.. نجح لأن الناس بقت مطمنة إنها هتتفرج على عمل محترم متكنش قلقانة على ولادها لو شافوه»، و«إن كنت احترم يوسف الشريف مرة الآن احترمه ملايين المرات». كما كتب الفنان أحمد السقا منشور على حسابه بموقع تويتر بأنه ينتظر مسلسل يوسف الشريف قائلا: «باذن الله هتكسر الدنيا كالعادة # كوفيد25». يذكر أن أحداث مسلسل كوفيد 25 ستكون في 15 حلقة فقط، وسيتم عرضها في النصف الثاني من شهر رمضان المبارك، ابتداءً من يوم 16 رمضان.
