علق الرئيس عبدالفتاح السيسي، على نجاح حفل موكب نقل المومياوات الملكية، قائلًا: «حنا كنا عاملين الاحتفال بتاع المومياوات لحكام لمصر من 3500 ولا 4000 سنة كانوا قادة وكانوا وطنيين ورسموا وكتبوا في التاريخ على مدى 4000 سنة حبهم لبلدهم». وأضاف السيسي، خلال افتتاحه مركز الإصدارات المؤمنة والذكية، «وإحنا برضه لما عملنا النقطة دي كنا عاوزين نقول خلو بالكم الدولة دي دولة من زمان قوي ومن زمان قوي أيام ما كانت المية بتنزل محدش لا كان بيمنعها ولا حد كان بيوديها وهي بتنزل، كده ربنا ربنا خلى المية تروح هناك وتجيلنا هنا وقامت الحضارة دي والحضارة دي هتستمر». وربط السيسي بين استمرار الحضارة المصرية الجارية بالمشروعات القومية، وضرب المثل بمشروع «مستقبل مصر»، متسائلًا «اللي إحنا فيها هتستمر بايه؟ أرجع للمشروع واقول هتستمر إزاي ..المشروع اللي إحنا كنا بنتكلم عليه وفيه مشاريع زيه بتتعمل وكان الهدف منها إن أحنا نستفيد استفادة حقيقية أكتر من مرة واتنين من المية اللي موجودة وعشان كده بنقول المية اللي موجودة دي المحطة بتتعمل هناك عشان تاخد مية صرف زراعي وصرف صحي وكانت بيتم إلقائها في المكس وهيتم معالجتها وهتستخدم في الزراعة وأنا بقول الكلام وبكرره عشان يمكن الناس». وتابع «أنا بشوف لما بلاقي تغطية لمشروع بيتعمل فبلاقي الناس بتتكلم ومشاورش على أحد الحاجات المهمة اللي بنتكلم فيها، وبقول إن المية دي كانت بتستخدم مرة او مرتين وبعد كده خلاص متستخدمش تاني وإحنا قولنا لا هنخلي كل فرصة موجودة عندنا في تعظيم الاستفادة من المية هنعمل لها المشاريع الخاصة بيها مهما كان تكلفتها». وكشف السيسي عن تكلفة محطة الحمام، قائلا «هقول لكم على رقم خاص بالمية بس في الحتة دي اللي هي المحطة محطة الحمام، أنا بتكلم على دي بس إحنا هنعمل 15 محطة رفع مية عشان ناخد المية من منسوب منخفض إلى منسوب مرتفع في محطة الحمام، لأن المية كانت من أسوان لغاية الدلتا دي مية بتمشي بالانحدار الطبيعي للأرض وإحنا مبندفعش حاجة جاية من العالي أنا آسف للمنخفض وبالتالي مش محتاجين أكتر من إحنا البنية الأساسية كانت ترع موجودة كانت بتساعد على كده». وتساءل «طب لو أنا النهاردة حبيت أعمل المحطة دي في نهاية الاستخدام هودي المية فين ..هرميها البحر ولا أعملها واستفيد منها في أماكن تانية في مكانين إحنا عملنا فيهم كده واحدة في المحسمة في سيناء دي مليون متر، والمحطة التانية المفروض إنها خلال يوليو هنفتتحها ودي 5.6 مليون متر مية صرف زراعي وصناعي وصحي». وافتتح الرئيس عبدالفتاح السيسي، صباح اليوم، مجمع الإصدارات المؤمنة والذكية، والذي يعد صرحًا تكنولوجيا عملاقًا فائق القدرات الفنية المتدورة في مجال تصنيع وإصدار الوثائق الثبوتية المؤمنة. ويمثل مجمع الإصدارات المؤمنة والذكية، قيمة مضافة كبيرة لدعم استراتيجية الدولة للتحول الرقمي والميكنة.
