رصدت عدسة "الوطن" ردود أفعال المواطنين، بشأن موقف الحكومة المصرية من اعتداءات الجيش الإسرائيلى على غزة، حيث تباين رأي الشارع، بين مطالب بتصعيد مصري تجاه إسرائيل، وآخر راضٍ برد فعل الحكومة المصرية. وقال حسين أحمد، 25 عامًا: "الحكومة بتاعتنا هاتعمل إيه، أقصى حاجة تدين وتشجب، احنا عاملين معاهدة سلام مع إسرائيل هانحاربهم يعني"، فيما أضاف محمود جمال الدين، 23 عامًا: "الراجل المشير بتاعنا بيحاول يحل المشاكل اللي عندنا". وبرر بعض المواطنين موقف الحكومة المصرية، حيث قال أحمد إبراهيم: "هانعمل إيه لغزة المفروض منبعتلهمش مساعدات، احنا مش ناسيين الناس اللى بتموت في سيناء بسببهم"، وأضاف آخر: "كان كفاية عليهم نفتحلهم معبر رفح اللي بيدخلنا منه الإرهاب". واستنكر البعض ما أسموه بتخاذل الحكومة، تجاه قصف غزة، حيث قال جلال محمود: "أنا شايف إن الحكومة متخاذلة، وزمن مبارك اللي كنا بنقول عليه عميل للأمريكان أحسن منهم"، ورد آخر: "دي لو كانت أي دولة أجنبية كانت عملت أكتر من كده"، وطرح مواطن فكرة أن يجب اتحاد الدول العربية حتى لا تتمادى إسرائيل في تحديها السافر للعرب، فقال: "لازم العرب كله يبقى إيد واحدة ضد إسرائيل وأمريكا اللي حامية إسرائيل عشان ميجيش الدور علينا".