من أرق أصدقائى وأكثرهم تفاعلاً مع صفحتكم، صديقتى الدائمة الجميلة أميرة إبراهيم حمزة من محافظة الدقهلية، بكل الحب والحماس كتبت أميرة رسالة تعبر فى سطورها عن إحساسها بصفحتها. ماما سماح الجميلة مش مصدقة! سنتين عدوا على صفحتنا الجميلة، أنا فاكرة أول مرة نشرتى صورتى هنا طرت من الفرحة، وحسيت إن اللى باكتبه أو بارسمه، فيه قلب جميل بيقدره هى ماما سماح، تابعت الصفحة كل جمعة وكتبت أول مرة فيها بمساعدة ماما وتوجيهات ماما سماح لكن دلوقت تعلمت أكتب قصص لوحدى بفضلك وتعلمت أقول رأيى وأتابع إبداع أصدقائى، خرجت من هنا بأصحاب وحب وفن وفهم للدنيا وثقافة، كل سنة وصفحتنا الجميلة «وبدأت الحدوتة» أروع مكان بيعبر عنا، كل سنة وماما سماح قلب بيشجعنا وبيحس بطفولتنا، بنقولك كلنا «هنفضل نحبك على طول يا ماما سماح»