أجرت "الوطن" حوارًا مع السيدة صفية إبراهيم المعروفة إعلاميًا سيدة قطار المنصورة والتي ظهرت في فيديو متداول عبر مواقع التواصل الاجتماعي تدافع عن مجند وأصرت لسداد تكلفة تذكرة القطار بعد مشادة مع الكمسري. وإلى نص الحوار: عرفيني بحضرتك؟ أنا اسمي صفية إبراهيم، 50 عامًا، أعمل مدرسة بدر بمدينة المحلة الكبري وزوجي يعمل موظف. تحدثتي في الفيديو عن لديكي 3 أولاد؟ نعم، لدي 3 أولاد وهم أحمد مهندس، عمر خريج تربية، وخالد فى أولى هندسة. إلى أين كنتي ذاهبة؟ كنت ذاهبة من المحلة إلى فرح بنت شقيقتي في مدينة بركة السبع بمحافظة المنوفية. أروى لنا تفاصيل الواقعة؟ القطار توقف في طنطا ثم سمعت مشادات بين المجند وكمسري القطار وكان يقول له "تعالى أسلمك" لكن حسيت إن الكلمة دي خنجر في ضهري من جوا ومتحملتش قمت بسرعة دفعت الفلوس ولو كانوا طلبوا 1000 جنيه كنت هدفعه له. ليه عملتي كدة؟ عشان ده ابني، زي أولادي، ومحبش ابني يتعر ض للموقف ده أبدًا.. كمان لأن البدلة الميري مينفعشي تتشد ولا تتهان دة عسكري بيدافع عن حياتنا كلنا.. الموقف زعلني جدًا. ماذا حدث مع الكمسري؟ سددت له 22 جنيه لكن هناك 5 جنيهات مزقها المجند خلال اعتراضه على سدادي التذكرة والكمسري طالبني باستبدالها فألقيت بها من شباك القطار وقولت له خد 1000 خمسة معنديش مانع، ولو كنت لميتهم جنيه جنيه كنت هدفعه له. ماذا حدث بعد الواقعة.؟ العسكري صمم إنه يدفع لي الفلوس دفعها بالفعل. كنتي خايفة في الفيديو المتداول ؟خوفت أوي على العسكري، وخوفت كارثة بائع التذكرة تتكرر ثاني والعسكري يحصل له حاجة. مين اللي كان معاكي في الفيديو؟ دة أخواتي عشان كنا رايحين الفرح، وأختي كانت بتطلع فلوس هي كمان عشان تدفع له. شايفة إزاي موقف الرجالة اللي كانوا واقفين؟ ضاحكة .. اسألهم