تحدثت الفنانة عبير صبري، عن أدوار الإغراء التي أدتها، خلال حوارها مع المخرجة إيناس الدغيدي، مقدمة برنامج "شيخ الحارة"، على قناة "القاهرة والناس". وقالت عبير: "مش شايفة نفسي عملت أدوار إغراء، أنا بنت حلوة وده جزء من أدواتي كممثلة، وعملت أدوار تعتمد على أنوثتي، وعمري ما اتبريت منها". وأضافت، أنها متزوجة، وهي الزوجة الوحيدة لزوجها: "أول زواج، كنت الزوجة التانية، وممكن أوافق جدًا، لو الزوج غني أو حبيته، والغنى ميزة للراجل مش عيب، ولو ظروف الراجل اللي بحبه متوسطة مش هقول لأ، ولو هتجوز صالونات هختار راجل غني". وحول زوجها، قالت عبير صبري: "الحمد لله جوزي عنده كل المقاييس الحلوة، الحب والفلوس والنجاح، واخترته لأني حبيته". وحول المخرج خالد يوسف، قالت عبير صبري: "هو مخرج كبير جدًا، وعمرنا ما كنا أصحاب، ومعلقتش على مشكلته، لأنه مش صح أعلق على أي حاجة، وأنا مالي، ومشفتش فيديوهاته أو أي حد يقع في موقف زي كده إني أشوف حاجة تخصه".