في البلد الِ أنا عايش فيها عايش ميت مع أموات .. كافي خيرى شرى ساكن في سجن جدرانه سكات عايش في بلد عمرها ما فلتلى غير هات هات صحتك وعافيتك واوعى تقول عايز ما لكش في بلدنا غير الفتات والِ قال هات .... مات في البلد الِ أنا عايش فيها فكرت في يوم اقوم اصرخ اثور أكسر حيطان سجنى أفتح طاقه للنور أغضب على حاكم كان صوره كان طرطور سابنا لعصابه تحكمنا سففونا التراب نص الشعب سكن في قبور والنص التاني واقف في الف طابور.. شعب مكسور قلت عيش حريه عدالة اجتماعيه قلت ارحل يعنى غور من البلد الِ أنا عايش فيها فعلاً طلع راجل عاقل وغار لكن برضو هو الِ فوض حاكمنا ومسبلناش حق الاختيار والحاكم سلمنا لحاكم "صوره برضه" ماكنش فى إيديه القرار قال هحقق كل أهداف الثورة أنا واحد من الثوار واكتشفنا اننا ثورنا ع المر عشان نشرب تانى المرار في البلد الِ أنا عايش فيها غضب الشعب كله وخرج ف ثوره شعبيه قولنا احنا ال عملناك رئيس وجايين نسحب منك الشرعية شرعيتك انك تخدمنا مش تخدم منا شويه صبرنا عليك سنه والعيشة هيه هيه والعصابة ال بتحكمنا رجعت لكن المرة دي ملتحيه قلنا ارحل رحل الشعب خلاص مبقاش هفيه في البلد الِ ان عايش فيها قالو يا شعب اختار رئيس من بين الاثنين معاك السيسي ومعاك حمدين مش فارقه معايا ال هايحكمنى اسمه إيه أو هو مين المهم يكون أمين ... سند ومعين المهم أعيش زي البن أدمين وان طغى واتفرعن هتلاقى تلات رؤساء سابقين مساجين مش اتنين في البلد الِ أنا عايش فيها