أعرب الإعلامي عمرو أديب، عن استيائه الشديد من نشر صور مصابي حادث محطة مصر، الأربعاء الماضي، على مواقع التواصل الاجتماعي. وقال خلال حلقة اليوم من برنامج "الحكاية"، المُذاع عبر فضائية "mbc مصر": "عمري ما شوفت حد بينشر صور ناس بتولع، والعالم كله عنده ضحايا في حوادث كل يوم، ليه معندناش حدود؟". وأضاف: "وللأسف الناس بيبعتوها لبعض وبيقولوا يا حرام!.. يا أخي حرمت عليك عيشتك". وتابع: "وواحد تاني واقف بياخد سيلفي في المحطة، هو ده الجنان اللي حصل بسبب السوشيال زفت، إنتو جرالكم إيه يا جماعة، حد فيكم يحب صورة أهله تخلد وهم بيولعوا، فين حرمة الميت؟". ونشب حريق هائل داخل محطة مصر، إثر اصطدام أحد جرارات القطارات بالصدادة الحديدية الموجودة على رصيف 6 بعد خروجه عن القضبان، ما أدى إلى انفجار "تنك البنزين"، وأسفر عن اشتعال النيران في الجرار والعربة الأولى والثانية بالقطار.