بوجهه الضحوك ولحيته البيضاء وملابسه الحمراء، يقف «بابا نويل» داخل عربة الأحلام أمام أحد محال الهدايا فى المهندسين، حاملا بيده اليمنى «كيس» هدايا لاستقبال العام الجديد 2014. مع اقتراب موسم رأس السنة، يبدأ محمد حسن، صاحب المحل، فى ابتكار أفكار جديدة فى الدعاية لمنتجاته: «كل صاحب محل هدايا بيحاول يعمل حاجة جديدة عشان الزباين تجيله، لكن أنا متعود كل سنة أطلع بابا نويل جوه عربية الأحلام قدام المحل فى الشارع، عشان الناس تتبسط ويتصوروا معاه واللى مش قادر يدخل يشترى ما يتحرجش». الجديد عند «محمد» لم يقتصر على التصوير مع «بابا نويل» فقط، بل شمل أيضاًً توزيع هدايا رمزية لكل من يلتقط صورة: «مع الظروف اللى بتمر بيها مصر وحال البلد اللى مشيل الناس الهم، فكرت إنى أعمل حاجة جديدة ورمزية تفرح الناس وعشان كده بقيت كل ما حد ييجى يتصور مع بابا نويل بديهم هدايا رمزية، عشان الناس تفرح ويتأكدوا إن الخير والأمل موجود فى البلد كتير».