قال الإعلامي عمرو أديب، إن مصر تُعد الدولة ال14 عالميا في إنتاج البطاطس، ولديها أجود أنواع البطاطس، مضيفًا: "أنا مش متعاطف مع الناس اللي غضبانين من ارتفاع أسعار البطاطس، وكمان مش هقول إنها مؤامرة إخوانية والكلام ده، اللي حصل بسبب الوقت لأنه نهاية فترة حصاد وبداية فترة جديدة، وكمان ناس جشعة عاوزه تعمل فلوس". وأضاف "أديب"، خلال تقديمه برنامج " الحكاية"، على قناة "إم بي سي مصر"، أن مصر تنتج سنويًا 6 ملايين طن من البطاطس تقوم بتصدير ما يقرب من مليون طن للخارج والباقي يُطرح في الأسواق للاستهلاك المحلي، مستطردًا: "أنا مستاء فعلا من الهيستريا المصاحبة لأزمة البطاطس، طوابير أمام المنافذ بطريقة مذهلة وعجيبة". وتابع: "يعني البطاطس بقت كل حياتكم، بقت روحكم فيها يعني، طب الناس اللي نازلة تشتري، ليه تشتري 20 كيلو، ده كيلو واحد يكفي أسرة كاملة".