تنشر «الوطن» نص تحقيقات نيابة مدينة نصر ثان بإشراف المستشار مصطفى خاطر، المحامى العام الأول لنيابات شرق القاهرة، فى قضية «تخريب جامعة الأزهر وحرق المقر الإدارى» المتهم فيها 29 من طلاب الإخوان، بينهم 13 من خارج الجامعة، تمكنوا من اقتحامها وتدمير محتويات المقر الإدارى، وحصار الدكتور أسامة العبد، رئيس الجامعة، وعدد من أعضاء هيئة التدريس لمدة ساعتين، حتى تمكنت الشرطة من السيطرة على الموقف والقبض على 29 من مثيرى الشغب وإخماد النيران التى نشبت فى المبنى الإدارى بالجامعة. وننشر فى الحلقة الأولى أقوال عناصر الإخوان الذين لا ينتمون لجامعة الأزهر، ومنهم إيهاب حسن -كاشير- وقال فى تحقيقات النيابة إنه «كان ماشى أمام الجامعة ومرة واحدة لقى اتنين لابسين ملكى مسكوه ودخلوه المدرعة»، بينما قال طالب فى الأكاديمية البحرية يدعى محمد محمود «أنا كنت ماشى مع زميلى فى مدينة نصر ووقفنا نتفرج على تظاهرات طلاب الأزهر واتقبض علينا من ناس لابسين ملكى وركبونا عربية الشرطة» س: ما هى ظروف ضبطك وعرضك علينا؟ ج: اللى حصل أنا كنت ماشى أمام الجامعة ومرة واحدة لقيت اتنين بلبس ملكى مسكونى وجرونى على الأرض ودخلونى مدرعة شرطة وضابط شرطة قام بضربى وبعد كده ركبونى عربية ترحيلات وجابونى على هنا وده كل اللى حصل. س: متى وأين ذلك؟ ج: الكلام ده حصل يوم 30/10/2013 الساعة 12:30 مساء أمام جامعة الأزهر. س: من كان برفقتك إبان ذلك؟ ج: أنا كان معايا ناس ماعرفهمش. س: ما سبب ومناسبة وجودك بالمكان سالف الذكر؟ ج: أنا كنت ماشى أمام الجامعة ورايح مكرم عبيد من الطريق الموازى. س: من القائم بضبطك؟ ج: ناس لابسة ملكى ما أعرفهمش. س: ما تعليلك لما قرره سالف الذكر بمحضر الضبط المؤيد فى 30/10/2013 الساعة 4:00 والثابت به «تلوناه عليه»؟ ج: الكلام ده ما حصلش. س: هل لديك سوابق؟ ج: لا. س: هل سبق ضبطك فى قضايا مماثلة من قبل؟ ج: لا. س: أنت متهم وآخرون باستعراض القوة والترويع بالعنف بقصد ترويع المواطنين وإلقاء الرعب فى نفوسهم وإلحاق الأذى بهم لفرض السطوة عليهم بتكدير الأمن العام والسكينة على النحو المبين بالأوراق. ج: محصلش. س: أنت متهم وآخرون بتخريب المبانى والأملاك العامة وإضرام النيران بها «المبنى الإدارى برئاسة جامعة الأزهر» وإتلاف الممتلكات العامة الكائنة بذلك المبنى حال كونه من المبانى ذات النفع العام بقصد إحداث الرعب بين الناس وإشاعة الفوضى؟ ج: الكلام ده محصلش. س: أنت متهم بإتلاف عمداً المنقولات المبينة وصفاً بالتحقيقات؟ ج: محصلش. اسمى عبدالرحمن طارق عبدالسلام، السن: 18 سنة طالب بالصف الثالث الثانوى ومقيم ش محمود حافظ -عمر ابن الخطاب- المرج، ويحمل تحقيق شخصية رقم 2950101173097 قوص. س: ما هى ظروف ضبطك وعرضك علينا؟ ج: اللى حصل إنى كنت ماشى أمام الجامعة وأمن الجامعة طلب منى البطاقة وأعطيتها له وبعد كده لقيتهم ودونى أمن الإدارة وحجزونى هناك، وبعد كده جابونى إلى القسم وأنا معملتش حاجة. س: ما أسباب وجودك بالأماكن سالفة الذكر؟ ج: أنا كنت مستنى واحد صاحبى جوه الجامعة. س: ما تعليقك لما قرره سالف الذكر بمحضر الضبط المؤرخ فى 30/10/2013 الساعة 4 عصراً.. «تلوناه عليه»؟ ج: الكلام ده محصلش. س: هل لديك سوابق؟ ج: لأ. س: هل تم ضبطك فى قضايا مماثلة من قبل؟ ج: لا. س: أنت متهم وآخرون باستعراض القوة والتعرض بالعنف بقصد ترويع المواطنين وإلقاء الرعب فى نفوسهم وإلحاق الأذى بهم لفرض السطوة عليهم وتهديد الأمن العام والسكينة على النحو المبين بالأوراق؟ ج: محصلش. س: أنت متهم وآخرون بتخريب المبانى والأملاك العامة وإضرام النيران بها «المبنى الإدارى برئاسة جامعة الأزهر» وإتلاف الممتلكات العامة الكائنة بذلك المبنى حال كونه من المبانى ذات النفع العام بقصد إحداث الرعب بين الناس وإشاعة الفوضى؟ ج: الكلام ده محصلش. س: هل لديك أقوال أخرى؟ ج: لا. تمت أقواله وتوقع منه: عبد الرحمن طارق عبد السلام. اسمى محمد محمود السعيد سيد أحمد فودة - السن 19 سنة - حاصل على دبلوم صنايع- ومقيم ميت عساس سمنود. يحمل تحقيق شخصية...... س: ما ظروف ضبطك وإحضارك وعرضك علينا الآن؟ ج: اللى حصل إن أنا ابن عمى طالب ثانوية أزهرية كان رايح يحوّل ورقه لكلية اللغة العربية وأنا رحت معاه الجامعة لقيت ضابط واقف على البوابة وبيسألنى عن البطاقة فأعطيته البطاقة، سألنى انت جاى هنا تعمل إيه؟ أنا قلت له أنا جاى مع ابن عمى علشان أسحب ورق الكلية وفتشنى وركبنى عربية الترحيلات، هو ده كل اللى حصل. س: متى وأين حدث ذلك؟ ج: الكلام ده حصل امبارح 30/10/2013 الساعة 3 عصراً بجامعة الأزهر بمدينة نصر. س: ما مناسبة وجودك بالزمان والمكان سالف الذكر؟ ج: أنا كنت مع ابن عمى بأحوله من الكلية. س: من كان برفقتك حين ذاك؟ ج: هو ابن عمى أحمد ممدوح فودة. س: من هو قائم على ضبطك؟ ج: ضابط معرفش اسمه. س: وهل دار بينك وبين القائم على ضبطك ثمة حوار؟ ج: أيوه. س: ما هو مضمون ذلك الحوار؟ ج: هو سألنى عن البطاقة وعن سبب مجيئى الجامعة فأنا قلت له جاى مع ابن عمى فراح مركبنى عربية الترحيلات. س: وهل قام أحد بتفتيشك؟ ج: أيوه الضباط فتشونى. س: وما الذى أسفر عنه هذا التفتيش؟ ج: هو طلع منى اتنين موبايل وولاعة وعلبة سجاير ومائة جنيه. س: ما علاقتك بالرائد محمد الصعيدى رئيس مباحث قسم شرطة ثان مدينة نصر؟ وهل من ثمة خلافات بينكما؟ ج: أنا معرفهوش ومفيش بينا خلافات. س: وما قولك فيما سطره الضابط سالف الذكر بمحضره المؤرخ فى 30/10/2013 الساعة 4:30 عصراً «اطلع عليه»؟ ج: الكلام ده محصلش. س:ما علاقتك بالعقيد وائل الشريطى مأمور قسم شرطة ثان مدينة نصر؟ وهل من ثمة خلافات بينكما؟ ج: أنا معرفهوش ومفيش بينا خلافات. س: وما قولك فيما سطره الضابط سالف الذكر بالمحضر المؤرخ فى 30/10/2013 الساعة 4 عصراً «اطلع عليه»؟ ج: الكلام ده محصلش. س: وبم تبرر ادعاءهم عليك بذلك؟ ج: أنا معرفش. س: هل لديك سوابق؟ ج: لا. س: أنت متهم بالاشتراك فى تجمهر فاقت أعداده الخمسة أشخاص لغرض التأثير على السلطات فى عملها وحرمان العاملين من حرية العمل وذلك باستعمال القوة على النحو المبين بالتحقيقات؟ ج: الكلام ده محصلش. اسمى محمد جمال سيد عبدالصمد السن 17 سنة طالب بالصف الثالث الثانوى ومقيم 29 شارع على بدر -الترعة - الساحل- القاهرة ويحمل بطاقة رقم قومى 29608100104854 س: ما ظروف ضبطك وعرضك علينا؟ ج: أنا كنت معدى من قدام الجامعة لقيت اتنين لابسين ملكى قبضوا علىَّ وطلعونى مبنى كلية التربية وأنا معملتش حاجة وبعد كده جابونى على هنا وده كل اللى حصل. س: متى وأين حدث ذلك؟ ج: الكلام ده حصل يوم 30/10/2013 الساعة 8 صباحا أمام جامعة الأزهر. س: من كان برفقتك آنذاك؟ ج: أنا كان معايا ناس معرفهمش. س: وما سبب ومناسبة وجودك بالمكان والزمان سالفى الذكر؟ ج: أنا كنت معدى من قدام الجامعة مروّح شبرا. س: أنت متهم وآخرون باستعراض القوة والتلويح بالعنف بقصد ترويع المواطنين وإلقاء الرعب فى نفوسهم وإلحاق الأذى بهم لفرض السطوة عليهم وتكدير الأمن العام والسكينة على النحو المبين بالأوراق؟ ج: محصلش. س: أنت متهم بالاشتراك فى تجمهر فاقت أعداده الخمسة أشخاص بغرض التأثير على السلطات فى عملها وحرمان العاملين من حرية العمل حال كون ذلك باستعمال القوة على النحو المبين بالتحقيقات؟ ج: محصلش. وأقفل المحضر عقب إثبات ما تقدم وقررنا الآتى: أولاً: ترفع الأوراق للسيد الأستاذ المستشار المحامى العام الأول، ويقوم سيادته بالنظر. ثانياً: يكلف أحد السادة الضباط بإعادة تحريز السلاح الأبيض المضبوط وإيداعه مخزن القسم عقب قيده برقم أشياء. اسمى أحمد إبراهيم الدسوقى السيد عبدالله السن 22 سنة، طالب ومقيم بميت نما -مركز قليوب- قليوبية. س: ما قولك فيما هو منسوب إليك؟ ج: الكلام ده محصلش. س: ما الذى حدث إذن؟ وما ظروف ضبطك وعرضك علينا الآن؟ ج: اللى حصل إن جالى تليفون من أمن الجامعة وقال لى تعالى استلم ابن عمك وقالى هو ده؟ قلت أيوه، قال لى هو هيتعمله محضر وأنت هتمشى، وطلعت على فوق وقالوا لى أنت السبب فى اللى بيحصل ودخلونى فى غرفة فى مبنى الإدارة وبعدين إلى قوات الشرطة وجابونى على قسم ثالث القاهرة الجديدة، وعلمت بأن النيابة هى التى بتحقق معى وهو ده كل اللى حصل. س: ما سبب وجودك بالمكان والزمان سالفى الذكر؟ ج: أنا كنت فى الجامعة وجالى تليفون أن أستلم ابن عمى. س: ما قولك فيما سطره بالمحضر المؤرخ 30/10/2013 الساعة 4:30 العقيد وائل الشريطى مأمور القسم؟ ج: الكلام ده محصلش. س: ما علاقتك بكل من ضبطك؟ ج: أنا معرفش غير ابن عمى علشان جالى تليفون أنه موجود بجامعة الأزهر. س: هل شهدت ما حدث بداخل الجامعة؟ ج: أنا شفت تكسير وبعد كده دخلونا غرفة ومفيش أى حاجة وفيه واحد من أمن الجامعة اسمه أشرف بشنب قالى الحقنى س: هل لديك سوابق؟ ج: لأ. س: أنت متهم وآخرون باستعراض القوة والتلويح بالعنف بقصد ترويع المواطنين وإلقاء الرعب فى نفوسهم وإلحاق الأذى بهم لفرض السطوة عليهم وتكدير الأمن العام والسكينة على النحو المبين بالأوراق؟ ج: محصلش. س: أنت متهم بإتلاف عمداً المنقولات المبينة وصفاً بالتحقيقات؟ ج: محصلش. اسمى أحمد صفوت أحمد عبدالعظيم، السن 18 سنة، أكاديمية عين شمس -التجمع الأول- ومقيم 28 شارع محمد الحاكم -الخانكة- القليوبية ولا يحمل بطاقة تحقيق شخصية. س: ماذا حدث إذن؟ وما ظروف ضبطك وإحضارك وعرضك علينا الآن؟ ج: اللى حصل إن أنا طالب فى أكاديمية عين شمس بكلية التجارة وأبلغنى دكتور محاسبة عندى فى الكلية وقال لى أروح أحضر لواحد ثانى دكتور فى كلية تجارة جامعة الأزهر، وأنا رحت النهاردة علشان كان ميعاد المحاضرة وأنا خارج من على البوابة وجدت طابور من باب الكلية وكان قدامه ضابط فتش كل اللى خارج، وسألنى عن البطاقة وأعطيته البطاقة وقالى أنت جاى جامعة الأزهر ليه؟ فقلت له أنا جاى أحضر محاضرة لدكتور محاسبة، قال لأ، وركبونى وجابونى هنا وده كل اللى حصل. س: من كان برفقتك حين ذاك؟ ج: أنا كان معايا واحد صاحبى اسمه محمد حسين. س: أنت متهم بالاشتراك فى تجمهر فاقت أعداده الخمسة أشخاص غرضه التأثير على السلطات فى عملها وحرمان العاملين من حرية العمل حال كون ذلك باستعمال القوة على النحو المبين بالتحقيقات؟ ج: محصلش. س: أنت متهم وآخرون باستعراض القوة والتلويح بالعنف لترويع المواطنين وإلقاء الرعب فى نفوسهم وإلحاق الأذى بهم لفرض السطوة عليهم وتكدير الأمن العام والسكينة على النحو المبين بالأوراق؟ ج: محصلش. س: أنت متهم وآخرون بتخريب المبانى والأملاك العامة وإضرام النيران بها «المبنى الإدارى لرئاسة جامعة الأزهر» وإتلاف الممتلكات العامة الكائنة بذلك المبنى حال كونه من المبانى ذات النفع العام بقصد إحداث الرعب بين الناس وإشاعة الفوضى على النحو المبين بالأوراق؟ ج: محصلش. س: أنت متهم وآخرون بإتلاف عمداً المنقولات المبينة وصفاً بالتحقيقات؟ ج: محصلش. س: هل لديك أقوال أخرى؟ ج: لا. تمت أقواله لا يحمل تحقيق شخصية. س: ما ظروف ضبطك وإحضارك وأوجه دفاعك؟ ج: اللى حصل أنا كنت جاى من شبرا ورايح الحى السابع عند خالتى ونزلت عند نادى السكة وقلت أتمشى إلى المنصة أركب من هناك وأنا معدى جنب جامعة الأزهر لقيت واحد لابس ملكى قالى رايح فين وكان معه جهاز لاسلكى وأنا افتكرته شرطة وخدنى دخلنى جامعة الأزهر وقعدونى مع ناس فى أوضة لغاية لما الشرطة جت وسلمونا وقالوا إنى أنا كنت معاهم فى المظاهرات مع إنى مليش دعوة بالكلام ده. س: ما سبب وجودك بالزمان والمكان سالفى الذكر؟ ج: أنا كنت رايح أركب مواصلة من عند المنصة إلى الحى السابع عشان أروح لخالتى. س: ما الذى دعاك للمرور بجوار جامعة الأزهر تحديداً وعدم قيامك باستقلال إحدى المواصلات من أمام نادى السكة الحديد مكان وصولك؟ ج: أنا قلت أتمشى شوية لغاية لما ألقى مواصلة رايحة السابع لأن المواصلات كانت قليلة الصبح. س: هل كنت على علم بوجود مظاهرات أو مسيرات أمام جامعة الأزهر آنذاك؟ ج: معرفش إن كان فيه مظاهرات بس أنا بسمع فى التليفزيون إن فيه قلق هناك. س: هل كان أحد برفقتك آنذاك؟ ج: كنت لوحدى. س: ما سبب ضبطك دون الموجودين أمام حرم جامعة الأزهر؟ ج: هو غالباً فهم غلط لأنى أنا لابس شورت وافتكرنى من الألتراس. س: إلى أين اصطحبك من قام بضبطك تحديداً؟ ج: هو دخلنى أوضة فيها ناس ممسوكين جوه الجامعة. س: هل أبصرت أى مظاهرات أو أعمال شغب وعنف داخل حرم جامعة الأزهر آنذاك؟ ج: أنا مشفتش حاجة. س: هل توجد بينك وأى من المتهمين المضبوطين على ذمة القضية «تلونا أسماءهم عليه تفصيلاً» أى علاقات؟ ج: أنا أول مرة أشوفهم. س: أنت متهم بالاشتراك فى تجمهر فاقت أعداده الخمسة أشخاص لغرض التأثير على السلطات فى عملها وحرمان العاملين من حرية العمل وذلك باستعمال القوة على النحو المبين بالتحقيقات؟ ج: محصلش. اسمى عبدالرحمن إبراهيم أحمد مرسى، 17 سنة، طالب بمعهد شبرا الخازندارة، بشبرا مصر. س: ما ظروف ضبطك وإحضارك وأوجه دفاعك؟ ج: اللى حصل أنا كنت راكب أتوبيس أنا وواحد صاحبى اسمه محمد السيد البيلى ورايحين الحديقة الدولية بمدينة نصر ونزلنا جامعة الأزهر عشان نركب مواصلة تانية فوجئنا باتنين قاموا بإلقاء القبض علينا من أمام جامعة الأزهر وطلعوا من أمن الجامعة وفضلنا قاعدين فى أوضة فى كلية التربية لغاية لما الشرطة ندونا. س: ما سبب وجودك بالزمان والمكان سالفى الذكر؟ ج: أنا كنت مستنى مواصلة أروح بها الحديقة الدولية. س: أنت متهم وآخرون بتخريب المبانى والأملاك العامة وإضرام النيران بها«المبنى الإدارى برئاسة جامعة الأزهر» وإتلاف الممتلكات العامة الكائنة بذات المبنى حال كونه من المبانى ذات النفع العام بغرض إحداث الرعب بين الناس وإشاعة الفوضى على النحو المبين بالأوراق؟ ج: محصلش. اسمى أحمد شوقى صبحى عبدالعال، السن 17 سنة، طالب فى مدرسة السلام المعمارية السلام - القاهرة ومقيم شارع الشيخ منصور المرج القاهرة، ولا يحمل بطاقة شخصية. س: ما قولك فيما هو منسوب إليك من أنك متهم «تلوناه عليه تفصيلا»؟ ج: محصلش. س: وما تفصيلات ما حدث؟ وما ظروف ضبطك وإحضارك؟ ج: هو اللى حصل أنا كنت ماشى فى الشارع أمام جامعة الأزهر وشفت ضرب ووقفت أتفرج زى باقى الناس، جه واحد من أمن الجامعة نادى علىَّ فأنا رحت له وبعد كدة أخدنى جوة مكتب وبعد كدة جت قوات الشرطة واستلمونى وأنا معرفش فيه إيه وخدونى على القسم وعرفت إن النيابة هتحقق معايا وهو ده كل اللى حصل. س: أنت متهم وآخرون باستعراض القوة والتلويح بالعنف لترويع المواطنين وإلقاء الرعب فى نفوسهم وإلحاق الأذى بهم لفرض السطوة عليهم وتكدير الأمن العام والسكينة على النحو المبين بالأوراق؟ ج: محصلش. س: أنت متهم وآخرون بتخريب المبانى والأملاك العامة وإضرام النيران بها «المبنى الإدارى لرئاسة جامعة الأزهر» وإتلاف الممتلكات العامة الكائنة بذلك المبنى حال كونه من المبانى ذات النفع العام بقصد إحداث الرعب بين الناس وإشاعة الفوضى على النحو المبين بالأوراق؟ ج: محصلش.
